قديم 02-22-2009, 10:20 PM   رقم المشاركة : 1
Abu.Saleh
متميز










الحالة
Abu.Saleh غير متواجد حالياً

 
Abu.Saleh is on a distinguished road


 

افتراضي النوادر من كلمات الاغاني لعيسى الاحسائي

بسم الله الرحمن الرحيم
السلام عليكم ورحمة الله وبركاته ((تمنيت أشوفك))
تمنيت أشوفك يوم نامت عيون الحي=وعذالنا نامواولآبواب مصكوكه
وجو البلد هادي والآشجار تقطر مي =عليها الندى وأغصانها الخضر مشبوكه
وتميت يم الباب في الليل رايح جي=معني لك الآقدام والروح مملوكه
أنا كيف أطيق الصبر والقلب ولع ضي=وعين المولع كن في حجرها شوكه
ترفق بحال اللي كواه المفارق كي=حبل الرجاء ممدود لاتقطع سلوكه
وزرع الهوى بين المحبين مشبوكه

(( دارت الارض ))
دارت الارضدارت الارض بي وحدي ثلاثين دوره=والعرب مادرواعني وأناألف وادور
بعد ماشفت زوله صارت الآرض كوره=والهدى صارفي عين الفتى كبر عصفور
نظرة العين خلتني بأقصى خطوره=واعرضوني على خمسةوسبعين دكتور
((قضيت العمر))

قضيت العمر كله با التمني =ويا حسرة على ما فات مني
ويللي طال هجرك وامتحني = كويت القلب كيه فوق كيه
وابطى الوقت واسهرت الليالي = ابوح بونتي وابكي لحالي
صفى لي من زماني ما صفالي = وباقي العمرلعيونك ضحيته تدور
تذكرقبل يوم انك تبينا =وتتعذرمن شانك تجينا
وذا لحينه ما كنا التقينا =تعبد كل واحد عن خويه
حشى لله لحظة ما نسيتك= ولا أرخصتك بك الغالي فديتك
ولا مني بعيني شفت بيتك =على الجدران رديت التحية
ولا منه بدا لي نجم لامع=تصورتك وهليت المدامع
واذا مني دعيتك ما انت سامع = يرد البيت صرخآ في عليه
انا مليت من باقي حياتي=خلاص الحق علي قبل المماتي
ترى حبك بصونه يا جزاتي =بسرعة قبل لاتجري المنية
ولا لك عذر بعد اليوم تبطي = حلاة الحب من ياخذ ويعطي
وسامحني لواني كنت مخطي = تراك اتعبتني روحه وجيه

والحشا هدمت سوره وهدت جسوره=لانوىخيرفي لحظةيخليه معمور
يوم مرت علي قلت القمر في ظهوره=ماتغيركلام اهل الفضاء زور في زور
كنت من قبل افكر بالقمر كيف أزوره=هوسبقني وجا عندي زياره ومشكور
يوم مرت بوسط السوق فاحت عطوره=كن صندوق عطر لوشن بالسوق مكسور
بعد مشفت خطك واعجبتني سطوره=ومن جمالك قريت الخط كله على الفور
كل شعرك قوي لاشك تحتاج دوره=تجبر الشعر لالاالشعر بك صار مجبور
انت فنان والفنان مطلوب صوره=أي فنان مثلك نال شهره وجمهور

((ياناعسه))
ياناعسه ردي علي وارحميني=شوقي تعيس الحظ صابر وملهوف
جيتك واشوف الهم قدام عيني=وياويل قلب انهد من داخل الجوف
كنت احسب اني بقضبك بين ايديني=واثري بلياحب اعمى ولااشوف
الحبل مقضوب وربي يعيني=ياوالله اللي ماغداالسعي مخلوف
والله أحبك مير بينك وبيني=بيني وبينك لابغيت أقبل اصفوف
جودي علي بنظرة واسمعيني=لوني بعيد اسوق لك الدمع مظروف
كانك تبيني قولي انك تبيني=عشرة شرف يابنت لايطري الخوف
كانك رحلتي بالهوى سامحيني=يخطي طريق الحب مابيننا اظروف
بينت لك مابديت خافي كنيني=وأظن صار القصد واضح ومعروف

((قضيت العمر))
قضيت العمر كله با التمني =ويا حسرة على ما فات مني
ويللي طال هجرك وامتحني = كويت القلب كيه فوق كيه
وابطى الوقت واسهرت الليالي = ابوح بونتي وابكي لحالي
صفى لي من زماني ما صفالي = وباقي العمرلعيونك ضحيته تدور
تذكرقبل يوم انك تبينا =وتتعذرمن شانك تجينا
وذا لحينه ما كنا التقينا =تعبد كل واحد عن خويه
حشى لله لحظة ما نسيتك= ولا أرخصتك بك الغالي فديتك
ولا مني بعيني شفت بيتك =على الجدران رديت التحية
ولا منه بدا لي نجم لامع=تصورتك وهليت المدامع
واذا مني دعيتك ما انت سامع = يرد البيت صرخآ في عليه
انا مليت من باقي حياتي=خلاص الحق علي قبل المماتي
ترى حبك بصونه يا جزاتي =بسرعة قبل لاتجري المنية
ولا لك عذر بعد اليوم تبطي = حلاة الحب من ياخذ ويعطي
وسامحني لواني كنت مخطي = تراك اتعبتني روحه وجيه

((فوق بحر الهوى))
فوق بحر الهوى تجري مراكبنا=نقضي الليل كله فوق موجاته
نرضي احبابنا نوفي بواجبنا=من نقض عهدنا نقطع علاقاته
ما لنا غير خالقنا يحاسبنا=نبلغ اهدافنا والنفس مواته
با الصراحة نخاطب من يخاطبنا=لين يظهر لنا قصده وغاياته
الردي لا حشى ما هوبصاحبنا=حيث عاداتنا ما هي بعاداته
الوفى عند جاهلنا وشايبنا=راعي الطيب ما يحسب خساراته
نعرف اللي من الغيرة يحاربنا=لغلط حيلته والغيض قواته
انتهينا وصفينا تجاربنا=نعرف الهرج الى من جاء مجلاته
+++++++++++++++
الا يا حمامة صوتها للعرب مسموع=سلامات هل جاها من الوجد ما جاني
عليك البكى وانا عليه سيول دموع=وكل يساعد في البكى مننا الثاني
فلاني بحزنان ولا خاطري مفجوع=ولكن سبب ما بي نزح دار خلاني
لك الله قلبي يا حمامة غدا ممزوع=فكوني شريكه با الهوى لأبن قحطاني
مساكين من حبل الوصل بينهم مقطوع=وكان السبب في قطعته بعد الاوطاني
فرحمة على اصحاب الهوى لو يموتوا جوع=بعيشون في برخلا بين ظلعاني
الا يا حمامة والعتب بيننا مرفوع=تعيشين في وحده وانا اعيش وحداني
تعالي نساعد بعضنا لو غدينا ربوع=تخفف من احزانك واخفف من اشجاني
البارحة ماامسيت متعومس الرأي=على الذي عند الضحى فارقوني
معاهم اللي من العرب غاية مناي=اللي عقب فرقاه هاضت شجوني
أقبل يوادعني ومديت يمناي=وزاد البلى بي عقب ماودعوني
والله لولا صورتة وسط مخباي=ان انتحر لجله وأقول أدفنوني
ابكي ولكن ما نفع كثرة ابكاي=خطير كثر الدمع يضعف عيوني
اش حالتي والزين ما هوب وياي=مالي امل بعيش بس اعذروني
من عقب ذاك العقل شمتوا بي اعداي=كل يقول افلان صابه جنوني
عزالله ان ما احد ابتلى مثل بلواي=وش حالتي ان طال الفراق ونسوني
حتى هلي جو يسئلوني وش دعواي=قلت انظروا ما صابني واتركوني
قالوا تعاج قلت انا عارف ادواي=لوجو الاطباء كلهم ما شفوني
أدواي طفلآ شوفته تزيل بلواي=اذا قدرتوا جيبته فا سعفوني
دلعوك أهلك وتوك صغير=واكتمل عمرك وصارت طبيعه
ماتغير لاتحاول تغير=أمر ياذا الحلو ماتستطيعه
وانت ماتعرف رجب من قصير=والعمرتوه على أول ربيعه
ماربيت الا وسط بيت خير=عايشين أهلك بدنيا فظيعه
كلما شفتك علينا تسير=ودي اسكن قصر والبيت أبيعه
مستواك أعلى وحسنك يحير=والحلى والدل أخذته جميعه
والجعود السود والوجه المنير=لو كلامك بالذهب ماتبيعه
الأيام دواره حذيرك نذيرك=وما فات منها مات لاترتجيها
ومن حد ها التاريخ ماني عشيرك=محبه تنزل روسنا ما نبيها
تعوضني الأيام عنك بغيرك=وكلآ له اعماله يحاسب عليها
أبا راقبك من بعد واعرف مصيرك=أنا وأنت في الدنيا وذا الناس فيها
أنا كنت في كل الامور استشيرك=أتلقى الاوامر منك واعتز فيها
ومن وين ما تمشي مصيري مصيرك=أباقبلك في اي ديرة تجيها
واذا كان قلبي ما هوى شخص غيرك=فباقي حياتي وش ابي بس فيها
رحال عن ديرتك رحال=أسلم عليكم فمان الله
يا بعد عمري وراس المال=يا أعز وأغلى عباد الله
صبرت واليوم صبري طال=ودعتكم وأمرنا لله
رحلت يومك بريت الحال=أهوم انا في بلاد الله
طاوعت بي نمت العذال=وأقوالهم منكم لله
واشعلت نار الغرام اشعال=مارفت حالي لاجل الله
ليتك ترى دمعي الهمال=سحايب تشتكي لله
وافراقكم ما طرى في البال=واليوم يا قلبي استعن با الله
هب الهوى واقبل علينا شمالي=وانعش عروقٍ بعضها كان مشيول
ارتاح قلبي يوم خلي وفالي=وأنا من اول حاير الفكر مشغول
لابعد من حب أول وتالي=وأنا أشهد ان انتا من البيض مدلول
الصاحب اللي ما بخل في وصالي=يفداه عمري وعن هوى كل مجمول
بس اسمعوا ياللي سمعتوا مقالي=مير لا خطيت في بعض ما اقول
+++++++++
ياحبيبي لا تخليني لحالي=
لو رحلتم عقبكم ماني بسالي=
أشهد انك عندنا بالحيل غالي=
انت روحي وانت أيضا راس مالي=
ليت منهو عارف غيبب الليالي=
اتلفت عن مقابيل الزماني =
كان باقي الوقت يعطينا مجالي=
كنها يا موت ياعين الغزالي =
يابوحمد قلبي جريح ومخطور=
عله ضميري خافيه ماتبي شور=
أنا بشوفك يا اكحل الطرف مفتون=
لاشفت زولك صرت يازين مسرور=
أبو جدايل فوق الأمتان منثور=
مشية دلع بالهون ماهو مغرور=
لا تجعل الخاطر ارجوك مكسور=
ياجماعه كيف اطرش مكاتيبي=
ياحبيبي ما تفيد المناديبي=
صارلي تسعين ليلة وتدري بي=
فرقتك شبت في قلبي لواهيبي=
ما تخاف الله يا ناكر الطيبي=
ماأبي لك فضل والشيك في جيبي=
الزمن يا حبيبي له دواليبي=
لا تسأل على راحتي=
في بحر الهوى عيشتي=
غيرك سبب علتي=
ما أثر على صحتي=
مخطي وفي ذمتي=
والدمع على وجنتي=
اتغيرت فكرتي=
وأنا أخاف من علتي=
لازال قلبي يازلامي مولع=
ياطول ليلي عيت الشمس تطلع=
قلبي حرق بالنار والعين تدمع=
فيه عندكم لي طب يجدي وينفع=
جرحي عميق وداخل القلب وقع=
رحت الطبيب ورحت صوب المطوع=
كل ما اقالوا بري قلت لسع=
اعرف علاجي ودور بالك تسرع=
على الهوى يا موتر جمس سايقه بطران =
سمعته يقول ان قدر الله عظيم الشان=
ولكن معه يابوفهد قايد الغزلان =
تبعه بسرعه هايله وناوي الرجعان=
وقف وألتفت لي قال اظنك علي غلطان=
على كل حال اسمح لنا ياخوي الرحمن=
تفضل وشرف منزل اللي سكن خيطان=
يقول العفو ممراحنا الليلة الظهران =
+++++++++
((يا علي جاني خبر))
يا علي جاني خبر صاحب غالي=عشرته يا خوي مانيب ناسيها
يحسبوني يا علي داله سالي=ما دروا عن حالي الهم طاويها
يا غزال البيد كنت احسبك خالي=لكن اتصبر وربك يسويها
والهوى ما يعرف الجد والخالي=والمحبة من يبيها يداريها
شاكيآ حالك وانا شكيا حالي=كل نفس عذبتها بلا ويها
اتركوا من شغله القيل والقال=جايب قصة وقصة يوديها
المحبة دايمآ مرها حالي=جربتها نفسي الله يعافيها
قل لخلك راعني يا هوى بالي=عشرة ايام مضت لاتخليها
الوفاء ما يظهر الا من التالي=هذي العشرة وهاذي معانيها
صورة المحبوب دايم ترواى لي=كل ليلة في حلا النوم أراعيها
زول خلي صار من بد الازوالي=قصة الحب الطويلة وما فيها

((على الخط المباشر))
على الخط المباشر كلم الدمام=وليف الروح طالبني على الهاتف
وقلت اشغلتني يامترف الآقدام=انا من يوم سافرتوا وأنا خايف
وقالت احنا بأرض العز والاكرام=ترى اكلمك من بيت أبونايف
قضينا عند عيسى حول خمس أيام=صباح الغد نتوجه على الطايف
على موتر بليزر عبوا القسام=تفقدنا معداته وهو واقف
كويتي يحمل الكيتي مع على الآرقام=على التمرين يارب السماء لاطف
ونجلس فيه للراحة والاستجمام=ومثلك بالسفر ياصاحبي عارف
((نهار قالوا موادع))
نهار قالوا موادع قلت انا وين اروح=عزاه يا عين تبكي بعد خلا نها
كنت احسب ان الكلام اللي تقوله امزوح=حتى عطتني دلايلها وعنوانها
وغرقتني دموعي والضماير تفوح=والروح شبت لهايبها ونيرانها
جيت المداوي وقال القلب كله اجروح=قلت اتركوني مريض الحب من شانها
كتمت سري عن الدكتور عييت ابوح=انا وحبي بذمتها..ووجدانها
والحب من عهد ابونا ادم ومن قبل نوح=ناس كثيرة لأجله تهجر اوطانها

((لو للغرام حاكم))
لوللغرام حاكم=
كنت اشتكي امري
وأقول الحبيب ظالم=
بكاني طول عمري
يبه وينه حكيك ذاك=
واعتابك يبه النا
ليش اطلعت بذال=
ما تسوى العتاب
يبه تعادينا ويا الناس=
حتى ويا اهلنا
ليش اطلعت بذال=
يبه ماتسوى العتاب
غناء الراحل عيسى الاحسائي
((اسهر معي))
اسهر معي والعمر رايح وخالي=واكتب من الشعر الفصيح الملقى
لا والذي في بحر حبك رماني=انوح با العلات وانوح واشقى
اللي على دربك مديم الزماني=عذبتني عساك تحيا وتبقى
يا عود ريحان غضي في الليالي=غضي بعوده في البساتين يسقى
سهم المحبة با المحبة رماني=يا قلبي اتصبر على ما تلقى
والله يا حلو النبا لو تراني=اجيب ما جبت على الغصن وارقى
حبك ملك روحي وحطم كياني=أيضاُ ولا زال يصعد ويرقى
((يالطبيب المداوي))
ياالطبيب المداوي مانفعني دواك
والدواء عند غيرك خابره ياطبيب
شفت فضلك ومعروفك على الله جزاك
طالب رخصتك لو كان جرحي عطيب
أه ياقلبي اللي ذاب في حب ذاك
فرقتنا الليالي من ردات النصيب
ياالله اني دخيلك ثم طالب رجاك
ياعظيم الرجا منهو يطلبك ما يخيب
تجمع الشمل يااللي مطلبنا سواك
حيث روحي وفكري عند ذاك الحبيب
ول ياقلب وين الله بحبك رماك
واحد من سبب فرقاه شيبت شيب

((يا دار))
يا دار وين احبابنا اليوم يا دار
يا دار وين الحب وين المحبين
يا دار كيف تحولت جنتك نار
وتغيرت الاحوال حين بعد حين
هنا لوقفات المها باقي اثار
هنا لعبنا با السواقي وبا الطين
هنا تبادلنا خفايات الاسرار
تقول لي تكفى وانا اقول تكفين
كانت تحاسبني على كل مشوار
كانت تقول انت النظر داخل العين
كانت تحذرني وتخشى من الجار
وتقول سر الحب يعلم به أثنين
بدا الهوى غرسه وصار الهوى اشجار
اثمر وذقنا جنة الخوخ والتين
ولا حسبنا ما تخفيه الاقدار
واللي جرى من قبلنا للملايين
اختل قصر الحب وانهد وانهار
وأصبح غباره طاير كنه طحين
يا دار ما عينت مثلك ولا دار
اللي ربابك صاحبي كامل لزين
لاجت هبوب الريح منهم بتذكار
اعوي عوي سرحان والناس ممسين
والا ذكرته شب في ضامري نار
أنا اشهد ان اهل المحبة مساكين
أسكب دموعي لأجلهم مثل الامطار
أبكي واسوي ما يسوي المجانين

((جتني تخبر))
جتني تخبر بيوم الانقطاع
اللي جرى حبها مجرى دمي
قلت الخبر قالت أمر الله مطاع
في حكم ربي وذاك الآدمي
كل ماجيت باقول الوداع
تموت كلمة وداع في فمي
قالت ترى الروح بعدك في نزاع
وربماكان عرسي ماتبي
هديتي والهديه ماتباع
احفظ لذكراي عندك خاتمي
أمانة الله سري لايذاع
وقلت للحزن لا تستسلمي
ياشمعتي في دجى الليل الضياع
انتي سبب علتي هل تعلمي
والله لو الكى فيه انتفاع
لهل حتى عيوني تنعمي

((ترجيته))
ترجيته عليه الله واكبر
ولا فاد الرجا واحترت حيره
تغير طبعه الاول تغير
نسي حبي وانا شبيت غيره
على ما جاك يا قلبي تصبر
وقل يا الله عسى با الامر خيره
حلف لي با الوفا لاشك قصر
عهود الغش مدتها قصيرة
أنا والله لوجاني وتعذر
فلا أقبل عذر من خاين عشيره
وباقي الحب عزالله تكدر
وخل الحلو يتريح ضميره
اذا جيته عسى رجلي تكسر
ولو قصدي الهوى عينت غيره
انا قادر على النسيان واقدر
على الاسفار من ديره لديره
ولا هو كفو نتعب له ونسهر
وهو مرتاح عند الله كبيرة
ألايا نعبوا ذا الحظ ألاقشر
عليهم حذني عيشه حقيرة
ألايا قلبي أصبر لا تحسر
خلاص انسى الصغيرة والكبيرة

((ياللي طرشت المندوب))
ياللي طرشت المندوب اقرا خطك با المقلوب
أخلص منا يا حبوب ترى حنا ملينا
ياللي في زينك مغتر فيه ازين منك واعبر
أوقالوا لك ما نقدر نجفي اللي يجفينا
الحب اللي حبيته والظلم اللي قاسيته
عن كل الناس اخفيته واللي جانا يكفينا
يلي حبيت الاثنين وانت ما عندك قلبين
ما تقدر ترضي شخصين ولا حكمك يرضينا
عبر في واحد تعبير والثاني خله اسبير
ترى الحب اصبح تقزير ولا ناره تكوينا
ما نلقي خل وافي كل خاين يا كافي
لوصور حبه صافي ترى قصده يغرينا
انا اللي جربت الناس الحب اصبح دوخة راس
نتسلى معهم لاباس عسى ربي يهدينا
((بعتنا با المال))
بعتنا با المال والدنيا بخير
يا ضعيف النفس حنا في غنى
نيتك شينه وأنا ناوي بخير
ما دريت ان الوسخ ما همنا
من غلاتك قلت ابحطك خشير
لين بانت غايتك يا عمنا
بعتنا وصدقت فينا هرج غير
روح عنا لاتقرب يمنا
كيف اصادق شخص ما عنده ضمير
روح لادمك يفسد دمنا
يوم هذي نيتك ما فيك خير
واعسى لاعاد يوم لمنا
((قالوا لي اصبر))
قالوا لي اصبر قلت أنا ماني بصابر
الا ان حصل لي يا عرب غاية مرادي
وان شفت غيره قلت مالي فيه خاطر
لو يجمعوا زين العرب من كل وادي
يا طير يا اللي صوبهم ذا اليوم طاير
قله تراني صمت عن شربي وزادي
أما يطفي واهج بين الظماير
ولا قطعنا الحبل يا ريم البوادي
اللي من الأوهام شيد لي عماير
ساهر طوال الليل وأعدل وسادي
وهو ينام الليل مدعوج النواظر
والله خطا منه علي يا الربع بادي
((يا ذا النسيم))
يا ذا النسيم اللي سرى تالي الليل
من وين ساري يا رسول المحبين
ما أرسلك راعي الرموش المضاليل
اللي مضى لي عنه أيام وسنين
باأسئلك انا با لله منشي المخايل
ما خان عهدي با الهوى داعج العين
خلا حياتي من فراقه غرابيل
وحدود نجد وقفت بيننا البين
اللي عليه العين هلت هماليل
وأتابع الونات والناس ممسين
يا قلبي اصبر والليالي مقابيل
وانا السفر ناويه من حد ذا الحين
أرسلت له عيت تفيد المراسيل
جسمي نحل والناس ما هم بدارين

((ياعين ياللي))
ياعين ياللي تحبين السهر
بس ارقدي والسهر مافيه خير
ويارجل لاتقربي درب الخطر
أتاكدي قبل تبدي بالمسير
واليوم لاعاد تاثق في بشر
لو يفرش الدرب قدامك حرير
واللي حلف لي وصدقته فجر
نسى عهوده وحول يم غير
اشلون اصدق من اعطاني خبر
ومادام أناماصفى ليه عشير
عن الجميع الحذر ثم الحذر
تغير الوقت بالله استجير
ياقلبي اصبر ومثلي من صبر
والوقت له يوم لازم يستدير

((ودعتني يا زين))
ودعتني يا زين من قبل فرقاك
من قبل ما ابكي دمعتك سابقتني
فريت وجهي يالغضي عنه راعاك
من قبل ما اخفي دمعتي غرقتني
شفت وجهي قلت سامع بما جاك
قالت ما جت هرجه وازعلتني
مالي صبر يا الغضي عقب فرقاك
فرقاك يا المجمول هي عذبتني
طلبت رب البيت علام الافلاك
يحفظك في حفظه مثل حفظتني
خليتك حبيب لي وحلو بممشاك
محبتك حلوه وفيك اعجبتني
لاجيت لك فز قلبي وحياك
ما ارتاح لى هرجتك طمنتني
ان كان ما تدري تراني اتمناك
ما تعود لي شوف عيني اسهرتني
والله يا المجمول لاحل طرياك
ابكي الليالي عزها وفرحتني
ارجي من المولى يعد لي للماك
ياللي هواكم في ضميري اشغلتني
((قال المولع))
قال المولع قابلت لي قمري
قلبي تولع به ثم تكبر
جرحي نقض في الحب ما عاد يبري
ما فيه احد في الحب مثلي تمرمر
حبه مثل السم في الجسم يسري
وصل لأقصى العضام ثم تكسر
سقاني المر مع كاس صبري
سقاني في عيشي ثم تكدر
عمري قضى ما بقى مقدار شبري
يا ناس ترى الحب لا ما سر اقشر
الحب مثل الضباب دوم يغري
لامنك قربت عنده راح ودبر
يا زين حب غيرك على البال ما يطري
من قبل اعرفك قلبي ما تاثر
انه بفنجال مركوز فوق صدري
وعيون خلي سود با الكحل تسحر
يا زين لونك خدوده حلو سمري
والشعر لافله فوق الكتف نثري
حبيبي قلبي من اغلى اللبس يشري
من شاف لونه بفستانه تحير

((يا رسالة عزيزة))
يا رساله عزيزة ودي أقراها
بس يا للأسف خانتني اعصابي
صارلي مدة وانا اتحراها
من وليف عليه القلب منصابي
هوكتبها وعنونها وغراها
وانتظرني شهر ما رد له نابي
واعتبرني مقصر يوم وداها
ما درى اني حرقت الخط من مابي
ان قريته عيوني نثرت ماها
قالت الخط مرسول من احبابي
خلها تمشي الدنيا بمجراها
لا يجي جرح ينقض جرح ما طابي

((رف بحالي))
رف بحالي يا عظيم الشان
طلبة لي ما تخيبها
منزل غيثه على الوديان
لانوى هلت سحايبها
دبره يا مدبر الأكوان
من برا حالي وذايبها
ما يجلي عني الاحزان
والحشا تطفي لهايبها
كود من نثر على الامتان
اشقر هلت ذوايبها
من راها سبح الرحمن
كل همي من سبايبها
وقفوا من دونها العدوان
قبل ما تلفي ركايبها
ليت ابوها هو ابوي اخوان
أو قريب من قرايبها
أو يحلو عندنا جيران
هقوتي ما الحظ جايبها

((قالوالي طيب))
قالو الي طيب قلت ماني بطيب
عطيب وجرحي بين الآضلاع ماطاب
يطيب جرحي لوحبيبي قريب
والبعد من بيتهم الباب في الباب
قالوالي العذال اوله وسيب
عشان المحبه تفتح لك ابواب
أول على العشاق أضحك وأعيب
واليوم قلبي من هوى صاحبي ذاب
ياربي يالله طالبك لالاتخيب
رجاي يامولاي في عز الآصحاب

((الاسبحان من صور))
ألاسبحان من صور- جمال فوق ماأتصور
هنوفأ ياحمد تسحر- صادفناها بعرض السوق
جدايل طول قامتها- من الابريز ساعتها
يوم العين شافتها- دفعني في هواها الشوق
قلت اسألك يامزيون- بمن امره بكاف ونون
لفت وقال يامجنون- تحشم خل عندك ذوق
قلت انهارت اعصابي- وعفت العمر من مابي
وهذا القلب منصابي- ذبحت الناس يامخلوق
وأنا من طبعي اتصبر- وعني روح واتخبر
لكن ربنا قدر- وخليت الحشا محروق
وناظر من عينه- وقال الصدق يازينه
ترى لو ميت ذلحينه-فلا يطلب علينا حقوق
(ياقمر في السماء))
ياقمر في السماء في الآرض مثلك قمر
يشبهك في وصوفك بالوفا والتمام
وأنت ماتظهر الا عقب نصف الشهر
ماأنت دايم معانا مثل باهي الوشام
لانظرته بعيني راح عني الكدر
لاخزرني بعينه قلت له ياسلام
هو ملاك ولكن عاش وياالبشر
نظرة عيونه اقوى من صواريخ سام
كلما قلت من بكره نويت السفر
قال تهجر محبك قلت لالاحرام
في حضوره عيوني ماتمل السهر
تشرق الشمس يوم ان الخلايق تنام

((ياللي على البحرين))
ياللي على البحرين ناوين السفر
وداعة الله وبحفظه ترجعون
ساعة الفرقا انا دمعي حدر
وشعلت نيران قلبي والشجون
ذا علي مكتوب وذا حكم القدر
وبيني وبينك ياسيدي يفرقون
بعدكم يازين روحي في خطر
والرجا في غيابكم لا تطولون
وان طالت الغيبه بحثو لي خبر
حتى يطمن خاطري لين ترجعون
ماعلى قلبي دليل من الصبر
وانتم بكل اللي جرالي تعرفون
تعلم بحال الموالع يابدر
كل ما يملك في يدك ياحنون
اشهد ان حال الموالع في خطر
رحمتك يارب بعيد صبور
ناظر اهلك في سوء ودايم في خطر
مابقى اللي من الناس يرحمون
الله يعيد الليالي والسمر
انت نور ايامها ياذا الفتون

((جوابك))
ابطى جوابك ليه ياسلوة الروح
ماذي بحاله ياحلولاعدمناك
وأن طعتني مالك من الهجر مصلوح
خايف يطول الوقت والقلب ينساك
ماشفت منك غير لوعات وجروح
خله يفيدك من طمع فيك وأغرا ك
تبغاني اكتب لك بخطي على اللوح
انك تعلمت الخيانه وعفناك
عيني على الخوان ماتعرف النوح
والقلب عافك يوم غيرت ممشاك
عند الجميع اصبحت ياذاك مفضوح
مرات نسمع واكثر أمرار شفناك

((لهايب في الضماير))
لهايب في الضماير نهر دجله مايطفيها
ألاياويل من مثلي شكى محدن سمع شكواه
على ريمية بد العذارى ميت فيها
بلينا في هوى اللي لو نطول الشمس مانقواه
علاقه قطعت قلبي ثلاث سنين مخفيها
وراعي الحب لو شكي يقولواباطله دعواه
أنا والله لو يعطوني الدنيا ومافيها
فلا ابدل بمخلوق عزيز وخاطري يهواه
ولاانكر عشرة الغالي ولا أجحدها ولا انفيها
وأنا ربي بلاني واسمي الصابر على بلواه
ولولاه القصايد ماتعلمنا قوافيها
عقب ما طالت العشره فلا نقدر على سلواه

((البارحه ياصاح))
البارحه ياصاح سهران ماأمسيت
والقلب يا لمجمول ضيع دليله
الحال كمل واخر الشوط مليت
ومعاد في يدي ورى اليوم حيله
عزيز يادمع على الخد هليت
عيا يوقف يامحمد هميله
رفعت صوتي من منامي وونيت
قلت أه واويلاه روحي عليله
تركتني لانيب حي ولاميت
حسبت من شانكسنين طويله
ماجت لي الدنيا على ما تمنيت
واللي براه الهم ياعزتي له
ياما تحملت المشاكل وقاسيت
ياماتحريت الوعود الجميله
قمت اكتب الآشعار بيت على بيت
وأنوح واسهر ليلة فوق ليله
((أنا اترجاك))
أنا اترجاك ترجع يا حبيبي
تواصلني قبل حكم المماتي
أنا جرحي مكن ماظن يطيبي
وأخاف أموت ماتمت وصاتي
أخاف اللي علينا هو رقيبي
يعذبني قبل حل الوفاتي
أنا حالي بعد خلي عطيبي
ملك قلبي وحطم لي حياتي
أنا المحتار مدري وش نصيبي
ثلاث شهور عيني ماتباتي
ترى اللي شب في قلبي لهيبي
غزال في الاحساء زين الصفاتي
حسين القد مملوح عجيبي
كمل بالزين يوم لبس العباتي
حياة الروح ياعزي وطيبي
تجمل لو بكلمة ياغناتي
عيشيري عن عيوني لا تغيبي
دني الى الموت يالله الثيابي

((يقول اللي شكى))
يقول اللي شكى هجران خله
عسى البوار ما يجزى بخيري
عيوني دمعها دايم تهله
كثر الدمع يحكي بالنظيري
أقول لقلبي يرجع في محله
ولي العلم قد خله لغيري
فقالت ليش قلبك يستمله
فكيف انسان ماعنده ضميري
فقلت انه غدرني لين شله
ويجحدني وأنا ماني شطيري
ومن مثلي قعد محدن فطن له
حسير ولا يسير ولا يطيري
أنا المظلوم والمشكى على الله
حزين القلب وان جرحى خطيري
يخيني وأنا ماجيت زله
على الحق والمخطي عشيري
ترى من الناس عن فكره يدله
وكثير من الناس مثلي تايهيني
ياليت الحظ يكتب في المجله
واشوف الحظ معهم وش يصيري

((الجنوبي قال))
الجنوبي قال من شيء دهاه
من عذابه يسهر الليل الطويل
يهلي صبري تعدى منتهاه
كيف يصبر واحد قلبه عليل
من نظر لي قال ذا ربي عطاه
مادرى بي صاحب القلب الهبيل
اطلب اللي ما يخيب من رجاه
حيث ربي يمنح الصبر الجميل
يجمع بشملي مع ريم الفلاه
بوثمان بيض والطرف الكحيل
الحبيب اللي اخد قلبي معاه
الهجر يا زين عطنا له دليا


((ياسيدي جيتك))
ياسيدي جيتك بسلام العيد
ترى السلام العيدمافيه منه
جيتك على الصدفه بلا مواعيد
لأنك تعرف زيادرة العيد سنة
اش فايدة نرسل رسايل من بعيد
والقرب عندك ياهوى البال جنه
ان كنت خايف من كلام الحساسيد
لا شفت واحد منتبه صد عنه
ما ينفعك يا زين كثر التصاديد
خلك عزيز وتعطي الحب فنه
شردت فكري ياهوى البال تشريد
وقلب ملكته ياهوى البال حنه


((ألا يامن هويتك))
ألا يامن هويتك طول عمري
وحبك بالحشا يصغر ويكبر
ملكت القلب واحتليت صدري
وأنا صابر ثلاث سنين واكثر
تراك بحالتي تعلم وتدري
ولكن قلبك القاسي تجبر
أنا سلمت بين ايديك أمري علي احكم وفي حكمك تأمر
عساك ما انت بناوي اليوم غدري
وأظن ان قلبك اليوم غدري
وأظن ان قلبك الطيب تغير
((قالو علامك))
قالو علامك من حياتك تأذيت
قلت سبب بنت علي دلعوها
تامر وتنهي كنها ربه البيت
لو تشتهي سطح القمر طلعوها
اشوفها دايم على فتحه البيت
لة تطلب نجوم الثريا عطوها
هي منيتي في الناس لا من تمنيت
لا شك عدواني علي غيروها
أول تكلمني على الباب لا جيت
واليوم حتى من السلام منعوها
اسبابها لاني بحي ولا ميت
الله عليهم حالتي دهورها
الناس في راحه وانا مانهيت
حسبي عليهم عيشتي كدروها
قالوا لي العذال اكيد استجنيت
ياليتهم باللي جرى خبروها
((اكتمل عيدي ))
اكتمل عيدي معك بأحلى السعاده
ياحبيبي نورت أيامنا
قلبي الهايم معك حصل مراده
والحمد لله جات ساعات الهنا
خذتها ياصاحبي وياك عاده
كل عيد ابغاك تجلس عندنا
ودي اسبوعين تقضيهم زيادة
كل ما تبغيه موجود هنا
غيركم ما ابغيه ومالي فيه راده
ماهويت الاانت يشهد ربنا
انت دارس في الهوى وعندك شهادة
خبير العشاق تعرف طبعنا
الهوى ماله طبيب في العياده
وانت عارف ياحبيبي طبنا

((اتابع الونات))
اتابع الونات والاهات والاف
ابكي وانوح ودمعتي فوق خدي
اصيح وانخي واضرب الكف بالكف
عفت الملافضلت عيشي لوحدي
ماغير اتابع ونتي وأتأسف
وانا بنفسي ما اعرف ويش قصدي
قلت الهوى ماعاد لي بالهوى شف
مابيه لازالت طعونه بكبدي
كني بنجم الليل حارس مكلف
يطلع عليه الفجر والنجم يغدي
كن الملا عدوان لي وقفه صف
كن الوجود وما حوى الكون ضدي
وكل ما قلت ان جوى تلطف
من مشكلة هانت وثنتين تبدي
عجزت في دنياي كيف اتصرف
صبرت صبر ايوب وانباح سدي

((دخلت البلد))
دخلت البلد وصادفت باشه من البلد
فقلنا سلام الله يا ساجي العيون
جمالك سلب عقلي وحيرت اخو احمد
ومن شاهدك يحتار بالله من تكون
سألتك بحق العالي الوالي الصمد
بحق النبي والبيت والطهر الركون
ومن طاف بالبيت المشرف ومن سجد
وفود الحجيج اللي من اوطانهم يجون
لفت لي وقال العفو يا ادامي وقد
غشاه البها وانهل شعره على المتون
أنا اللي ذبحت أهل الهوى مالهم عدد
واسمي من الالفاظ تكميلته بنون
ولو طفت في انحاء بلدنا فكم تجد
من اهل الهوى من صابه الحزن والجنون

((وردة البستان))
وردة البستان طالت ومالت
ودي اقطفها ويدي قصيره
كنت ناوي قطفها واستحالت
ياهلي صارت عليه عسيره
قالت اللي تزرع الورد قالت
بس شوف الورد واروح عبيره
لا يغرك طولها يوم طالت
توها بالعمر لسع صغيره
كم قلوب تذوب ودموع سالت
عذبت عشاق من كل ديره
قلت نفسي هونت واستخارت
من دروب أهل الغرام الخطيرة
نشوة العاشق من الراس طارت
استريحي يالعيون السهيره
((ياسيدي في الحال))
ياسيدي في الحال رد النظر
وارحم محب حياتة بين يديك
الى متى يا زين وانا انتظر
صبري قضى والامر منك واليك
الناس طلعت على سطح القمر
وانا معك ماقدرت اوصل اليك
ماعاد باقي علي الا انتحر
واموت لاجلك حسبي الله عليك
الموت احسن من حياة القهر
مادامك انسان عايف من يبيك
((حلوم ليلي))
حلوم ليلي تمنيني بمطنوني
تسعين ليلة وانا مقطوع من دونه
وقلت طول غيابك يا اسمر اللوني
يامن دوايا ودايا نظرة عيونه
وكان لا مر يوم ما تشوفوني
اجي واشوف الغضي متغير لونه
وين الوعود الذي كنتو تمنوني
يالصاحب اللي عليه الروح مفتونه
أما اعملوا خير ياهل الخير واعطوني
ولا اتركوا ذا المعذب لا تعتونه
الروح راحت معاكم لا تخلوني
ياناس عهد المحبه لا تخونونه
لا قول خليت حبك لا تحدوني
واعمل عملكم واسوي ما تسوونه
احبكم حب مثل اللي تحبوني
من نفس شكله ومن طعمه ومن لونه
((على قدر ما تعطيني))
على ما قدر ما تعطيني اعطيك
على قدر ما ضحيت اضحي
رجيتك وخيبت الرجاء فيك
أبي راحتك وتريد ذبحي
وخلك مع الايام ترميك
على جانب لين تصحي
ولا أنته بكفؤ للي يصافيك
نصحتك ولا طاوعت نصحي
على كل ما تفعل نجازيك
يا يوم الجزى يايوم فرحي
يجيلك سبب من عند واليك
تجيني على رأسك منحي
ترديت ربي لا يعافيك
ولا فادبكط عيشي وملحي
تخفيت وبانت لي خوافيك
وانا بالصبر دوايت جرحي
عطيتك وانا بالخير ناويك
علامك على مثلي تشحي
((أبدأ باسم الله))
أبدأ باسم الله واكتب بالقلم
ومن بدا بالله يامن لا يخاف
ربك اللي يخلق الشي من عدم
عالم سر الخفا اللي ما ينشاف
بعد ذا يا من على خده رقم
ابتدينا الصلح وانهينا الخلاف
خلنا ناخد من الدنيا حكم
والعمر مره ونصف العمر طاف
يا خفيف الدم يا ترى القدم
خلنا من هم ذا الدنيا اخفاف
وش يفيد اللي قضى عمره بهم
والنتيجة واحدة باخر المطاف
( (هبت رياح الصيف) )
هبت رياح الصيف وتغير الجو بي الجو
وأنا وليفي ما يداني سمومه
هو يحسب ان شمس الضحى سيدي ضو
ريان عوده زايد با لنعومه
فقلت أنا والله ياسيدي لو
تسكن قصور شيدوها برومه
يمكن تغير طابع الجو بالجو
لكن فوادي من يغير همومه
ياشمس طلي واختفي من وراء نو
لاتشرقي ياشمس كوني رحومه
(( وين راحو)) )
وين راحو عن وطنهم
أوهو تغير سكنهم
ماسالت الناس عنهم
يمكن انهم خابرينه
ويش عذري في القبايل
يوم نطلبهم دلايل
مير بشد الرحايل
كل درب عارفينه
من تخبر عن رفيقه
اويبي يعرف طريقه
من سألهم عن صديقه
ما الخلايق لايمينه
الحقيقه علموني
وين مدعوج العيوني
اتركو البدو والضعوني
واسكنوا وسط المدنيه
عادت الدنيا العريضه
مامعي ياخوك عيظه
ماعلى الدنيا فريضه
من صبر ربي يعينه
يوم حلو في القرايب
روح على بيت الحبايب
روحتك ماهي غرايب
ريح النفس الحزينه
((يقول بن قحطان))
يقول بن قحطان ياسمع اسمع
ياأهل الهوى حنواعلى كل مجبور
اسباب مابي من غزال تدلع
سود هدبها حيل والشعر منثور
خد وقد العمر عشرواربع
وأن جت تمشي ماهنا يوجد قصور
من شفتها قدام بيت مشرع
ناديت بأعلى الصوت ياناس مخطور
تبي عذابي يوم تظهر وترجع
بنت الهوى والحب حورية الحور
قالو اقنعت من الهوى قلت لسع
شاورت قلبي بس ماطوع الشور
(( طلعت أمس العصر ))
طلعت أمس العصر في راس مشراف
اهيض عبرتي وا ظهر ونيني
ذبحني بالموده زين الآصاف
عليه القلب ولهان حزيني
الاياليت خلي حاضر وشاف
غزير الدمع يشهد باليقيني
دموعي عقبهم ساف على ساف
تلاطم كالبحر من حجر عيني
أنالاشفت زوله مابي خلاف
تريح خاطري لو مايجيني
((يا قرب واشنطن))
يا قرب واشنطن ولندن وباريس
حذفة عصا للي رصيده ملايين
يا عزحالي للرجال المفاليس
اللي تضايقهم وجيه الديابين
وااللي قضى عمره وهو خالي الكيس
ما شاف من دنيا الورى الا عمى العين
يصير في عين البشر كنه أبليس
تكثر خطياته وهو ما عمل شين
يا رب يا ساتر على اهل النواميس
يا قاسم أرزاق الضعاف المساكين
تفرج لمن ضيع جميع المقاييس
يجاذب الونات والناس غافين
((يحي عمر قال ))
يا الله سألتك بحلات العقود
تستر علينا الستر والعافية
يحي عمر قال امانة يا هنود
قولوا لنا بنت من ذا الهندية
عبرت ليله ونسمع صوت عود
في قصر عالي والحان ساريه
وقفت عا الباب وهزيت العمود
قالت كيا هيه خبركم غاويه
((ما شفت))
ما شفت يا ابن الجنوبي خذها
تبارك الله خير الخالقين
القلب يا ابن الجنوبي عندها
وكم عنده من قلوب العاشقين
ان كان بكره علينا ردها
حنا على كل شي متلاحقين
نعرف هواها ونعرف قصدها
تحطيم قلبي وانا عندي يقين
يا قربها عندنا يا بعدها
أهل الهوى با المشاعر صادقين
يا سعد عيني نعم يا سعدها
ان كان حضي من المتوفقين
ما شفتها يوم مرت وحدها
كنا على شوفها متسابقين
أو شفتها يوم هلت جعدها
ليل الدجى والمحيا المشرقين
أو شفتها يوم ترفع يدها
تظهر صفوف الذهب متناسقين
((يا سيد روحي))
يا سيد روحي ترى عيني دمرها السهر
وريتني يا الغضي بقعا وصكاتها
ان كان قصدك تغلي مر لو با الشهر
عشرتك يا نور عيني ذقت علقاتها
من يوم فارقني وانا بضيم وقهر
حرمتني من حياتي وانت لذاتها
والله ما انسى غرامك لو يطول السهر
وارتاح اذا شفت عينك وحجاتها
والروح مني تراها يا الغضي في خطر
الله حسيبي على الدنيا ولوعاتها
حبستني في الظلام ورغبتي في السفر
حطيتني وسط غرفة شلت لمباتها
((تروان عذابي))
تروان عذابي يوم قالوا حبيبك راح
ركب في القطار وناح تصورت يوادعني
وصلت المحبة احسب انه كلام افراح
وزاد العنابي يوم شفته يطالعني
وزاد الشقى با القلب يوم المنبه صاح
ووايق مع الطاقة حبيبي يناظرني
يأشر بكفه لي يقول الهوا فضاح
تحمل ترى المذكور عندي يراقبني
بعدما قطعت اليأس زادت بي الاجراح
وكنت الرجا يا صاح اللي يوقضني
خزرني بعين كن فيها سنان رماح
وفريت وجهي خايف الدمع يفضحني
رجعت لمحلي واتذكر زمن راح
مع الصاحب اللي يوم الاثنين فارقني
ليالي مضت كل ابوها املاح
ابطلب عسى الله بهوى البال يجمعني
((ألاياسيدي))
ألاياسيدي ظلمك وهجرانك
كواني وأ ثرت في القلب كياته
تعذبنا وسهرنا الليل من شانك
وليل المبتلي ياطول ساعاته
تراها ولعت بالقلب نيرانك
ترفق بالذي سببت لو عاته
ولكن رجحت كفات ميزانك
على غيرك وبانت لي علاماته
نسيت اللي حفظ عهدك ولا خانك
حبيبك للآسف ضيعت هقواته
((سمعت الحمام))
سمعت الحمام اللي بلحن الهوى أشجاني
وأنا بعد ما هلت دموعي رفعت الصوت
وغنيت له من قلب حزن وولهاني
بصوت يوقض من رقد في فراش الموت
وطار الحمام اللي يغرد وخلاني
أجاوب بصوتي يابو خالد قصور الكوت
أنا ما بكيت الا على أعز خلاني
على اللي كلامه يلفظ الدر والياقوت
هجرته ولا جيته وهو راح ماجاني
وهو مني أبعد من مراكش على بيروت
أناياسروراجرى دموعي وبكاني
وخلاني امشي مشية الحاير المبهوت
وأناخايف انه عقب ماراح ينساني
وتكفى يابو خالد قبل لا يفوت الفوت
((لونك ابيض))
لونك ابيض مشبه لون الورق
وأنته اجمل من عرفته بالوجود
يا شبيه الشمس في وقت الشرق
يا رحيم القلب صداق الوعود
كلما خايلت براق برق
والمطر يمطر ولا نسمع رعود
قلت هذا نور خذك واحترق
ضامري كنه على نار الوقود
بحر حبك من توسط به غرق
ولكن احنا ما تعدينا الحدود
اشهد ان اللي خلق خلقه فرق
لكن الله راحمك معطيك زود
((يا نظر عيني))
يا نظر عيني علامك*قاطع عني سلامك*ليتني عارف مرامك* كان حليت القضيه
من حكى بيني وبينك* ما صدق وحياة عينك*وانت لك شهرين وينك*من بعد عيد الضحية
كم بكينا كم شكينا*وانت ما تنشد علينا* بس انت ما تبينا*ليه يا جالي الثنية
نشدتك قلت ما ادري* وان طلبتك قلت بدري*والزمن يركض ويجري* والفتى روحه شقيه
انقطع حبل الزيارة* ما تسير يا خسارة*لين تيار الحضاره* غير اطباعك عليه
يا لطيف الروح هين* ما ختفى لازم يبن*وانت مالك قلب لين*كالقلوب العاطفية

((ياحمامه))
ياحمامه فوق غصن شجعي
علميني كيف تغريد الحمام
كل ماغنيت وانتي تسمعي
جاوبي لحني وقولي ياسلام
لارفعت الصوت ردي به معي
لاتخلي عين مخلوق تنام
لازم اصنع مثلما انتي تصنعي
قصدنا واحد ويجمعنا نظام
دوري الآرض العريض وارجعي
وألقي النظره على دنيا الآنام
كل واحد ياحمامه يدعي
يشتكي نار المحبه والغرام
طالعي فيني وشوفي مدمعي
واتركيني لاتقولي ياحرام
ان جرحي ماكن بين أضلعي
لويودوني لدكتور العظام
احمليني في جناحك وأسرعي
وصليني ديرة الربع الكرام
((زهم عليا))
زهم عليا وطليت
مدري من اللي دعاني
ساعة لمحته ورديت
اىوالله الحلو جاني
وازاد فرحي وغنيت
من يوم شفته لفاني
جاني وانا توي انهيت
رسالته من ثواني
قلت أقرأبيت على بيت
جمعت فيه المعالي
ياللي بحبك تبليت
يالدريا ياالكوكباني
يقول أباأولع الليت
وقلت نورك كفاني
كتبت بيدي وخطيت
على بطاقة تهاني
ياذا القمر يوم طليت
نورك سطع في مكاني
وان غبت يستوحش البيت
يابدر هذاالزماني
خللك معاناوياليت
ترى بعادك كواني
ياحلو بالقلب حليت
مكانك الآولاني

((ياعالم المكنون))
ياعالم المكنون ياقاضي عن العبد الديون
يامالك الدنيا ومافيها وماضم الوجود
ستار ياغفار هونها على عبدك تهون
دعاك نص الليل والعربان هجاع رقود
يقول أبو ميسون لولاحب مدعوج العيون
أثر على حالي وذقت المر من صافي الخدود
فقلت يامزيون صاب العاشق المغرم جنون
متى متى ياكامل الآوصاف توفي بالوعود
فقال أنا ممنون وارخا الشعر من فوق المتون
عطف على المسكين والله ماهقيت انه يجود
((ردي الآصل))
ردي الآصل لو شفته صفالك
ترى الآنذال عشرتها مصايب
ولو تعطيه من غالي حلالك
ترى الخايب على ماقيل خايب
الى صارت له الحاجه عنالك
ولو تحتاج له أنته صار غايب
ويضحك لك وهو جالس قبالك
والا من صد في امره غرايب
ويحلف لك يمين انه صفالك
وهو عن مشيته ماهوب تايب
وراعي العيب لو هو من عيالك
ولو هو من جماعه او قرايب
تراك برفقته اتعبت حالك
فقله رح يعلك للذهايب
فاحذر يافتى واعرف رجالك
من اللي ما تزعزهاالنوايب
يعلو بين خلق الله جلالك
ومن عاداك وروه العقايب
فاذكرني اذا أمربدالك
فيما قلته ودنيانا عجايب
((لوعرفت))
لوعرفت ان ذا شغلك وطبعك
ما تولعت بك الله وكيل
ما دريت ان كل الناس ربعك
كل يوم تدور لك عميل
لكن ارتاح خلك حسب وضعك
والزمن مثل ما قالوا طويل
مالنا يد في نهيك ومنعك
كل عاقل ترى هرجه قليل
لاتحاول تخادعني بدمعك
كيف اقنع وانا عندي دليل
فكني بس من ضرك ونفعك
لاتحاول ترى حالي عليل
البساتين لك والزرع زرعك
اعنبرني معك عابر سبيل
بس كلمه تسجلها بسمعك
حب شرواك عندي مستحيل

((عشرة المصلحة))
يا عشير تردى مع عشيره
كان يطلب مصالح وانتهت
عشرة المصلحة دايم قصيرة
وان مشت يوم ثاني وقفت
قلت يا الله عسى في الامر خيره
حارت الرجل والنفس أكتفت
شوفي الدرب يا العين البصيرة
قالت ان الدروب اتبذلت
وان بذلت ذا المسلم بغيره
لوتمد العلاقة ما صفت
والمواثيق عندالله كبيرة
لكن ان القلوب تغيرت
ودي انك تسافر كل ديره
تدري ان البشر ما توالفت
واحسن الناس من ريح ضميره
لويشوف العجايب ماألتفت
كل ذا الناس في هم وحيره
تاهت أفكارهم وتخالفت
((دار الحبيب))
دار الحبيب ما بقى دونها دار
تقرب شوي شوي وتنشاف بالعين
المغربيه صوب خيطان مرار
بيت الغضي عن وقفتي بعد مترين
صرت اعتبر نفسي بعيد عن الدار
سهم الهوى عذب قلوب المحبين
كتبت في القرطاس بيتين تذكار
في كل يوم اعيدها مثل ذا الحين
من خالق الجنة ومن خالق النار
واللي رزق عبده وسواه من طين
واللي بعث طه في الناس واختار
حتى بكت خلفه جموع المصلين
يشفيك يا قلب متيم ومحتار
تفجرت بين الضلوع البراكين
((يا حظ يا مظلوم))
يا حظ يا مظلوم**يا قلب يا مهموم**والحال يوم بيوم يبدي به النقصان
العقل وافكاره**والسهر واثاره**والقلب واسراره واضحك وانا وجعان
اخفي عنا حالي**واقول انا سالي**من خوف عذالي لا يعلموا ما كان
اسباب ما جاني**وهيض اشجاني**خل تحداني وراني الهجران
كنت احسب الصده**من عقبها رده**ثاريه من جده بايع هوى الخلان
يا قلب يا صبار**لاتنكوي با النار**ترى المذله عار لايفرحوا العدوان
اصبر على ذا الحال **ويحلها حلال**والصبر مهما طال يأتيك بالسلوان
((لاوالله الأساقني))
لاوالله الأساقني للهوى سوق
وأنا الهوى يا بوي ما شفت سوقه
وش حيلتي لاصحت والقلب محروق
والعين عن طعم الكرى ما تذوقه
انت المطالب عند ربعي ومحقوق
لامت ياخذ كل واحد حقوقه
أقول أنا ربعي القلب مسروق
وتقطعت داخل حشايا عروقه
يحلف بربه ما رماني من الطوق
واذا فجر قولوا له الله فوقه

((ألاياعين كفي))
ألاياعين كفي ياشقيه
عن اللي مالنا فيه استطاعه
اشوف الجو متغير عليه
حبيبي قام ينوي بالقطاعه
رماني جاهل بالصالحيه
حلو لاقال لي سمع وطاعه
رماني في الهوى غصب عليه
وأنا مادرت في حبه بضاعه

((الحلم يجمعني))
الحلم يجمعني بكم كل ليله
يطوي بساط البعد مابيننا البين
صارت حلوم الليل عندي وسيله
اشوفكم ياأحباب وانتم بعيدين
لازلت في ذكرى الليالي الجميله
لامن طرالي ما مضى هلت العين
حالت مسافات الدروب الطويله
مابيننا وانتو على القلب غالين
لاهل مزن الغيث وارخى هميله
اقوم اطالع ساري البرق من وين
وأقول يابرق عيوني تخيله
لاتمطر الايم دار المحبين

((هواجيس في قلبي))
هواجيس في قلبي وهم وضيقه بال
ولانيب طيب صار لي مدة ايام
ولا من صديق أجيه واشكي عليه الحال
جميع البشر عدوان خلفي وقدامي
ولا شفت من يشفق على دمعي الهمال
أنا بين عدوان تسليهم الآمي
مع اللي يبيعون الضماير من أجل المال
وهم في قديم الوقت حفاي الأقدامي
وأنا طحت في حب الذي يسمع العذال
وليف بسيف الهجر ناوي على اعدامي
لطيف الحشا يا حسين له بالحشا منزال
وحبه سرى بالدم واللحم وعظامي
ولكن نويت الصبر ويحلها حلال
وياما صبرنا عام يركض ورى عامي

((رعاك الله))
رعاك الله يا وقت مضى لي
مع الأحباب في دنيه هنيه
انا قدام عيني رسم غالي
اشوفه كلما يطري عليه
يزيد النار في القلب اشتعالي
اهل الدمع وافرك في يديه
انا همي شكيته للجبالي
وسال الدمع من فوق الوطيه
وقلت الوقت عيا ما صفى لي
ووقت اللي مضى ما فيه زيه
ولا افكر بربات الجمالي
عقب ما راح مردوع الشفيه
وليف كان حبه راس مالي
وغيره في الهوى يحرم عليه

((كلما طال هجرك))
كلماطال هجرك زاد نسيانك
لين يمحي بقايا ذكرك الماضي
ياخساره تكلفنا عى شانك
وانت باللي جرالي يالغضي راضي
بس أبقول من فضلك واحسانك
اغض عني تراني عنك متغاضي
روح يازين لي شاني ولك شانك
مانبي نتعب انفسنا على الفاضي
حاكم النفس ياللي بعت خلانك
سر الآحباب مايعرض على القاضي
ماتحكم ضميرك وين وجدانك
غصب عني عليك أشدد ألفاظي
((يا رسول الخير))
يا رسول الخير مودع با لسلامه
خذ كتابي وسلمه بيد الحبيب
أسأل المجمول اش قصده وش مرامه
يوم يجفاني وأنا بحبه صويب
بعدهم والليل يحرم لي منامه
والدمع من فوق وجناتي سكيب
قلبي المسكين زايد بالهيامه
وحالي يا عزاه من هجر الحبيب
وان طال هجري يا الله السلامه
احفروا قبري من بيته قريب
والسبب من سطى بقلبي سهامه
بوعيون سود بوخذ لبيب
بوجديل كنه اللي بظلامه
علتي ودواي وحظي والنصيب
بيننا عاذل يا هلي روحي مقامه
ليت أنا جداري بجدار الحبيب
استصغ للزين وتسمع كلامه
حيث هرجه يشفي القلب العليل

((عجايب))
عجايب شفت بالدنيا عجايب
يشيب الطفل في سن الرضاعي
أشوف الوقت خلى الراس شايب
يروح الحق وعيوني تراعي
الايا قلبي اصبر للغلايب
مدام الطيب عند الناس ضاعي
أنا بصبر ولا لي بالطلايب
وبضحك مثلهم ضحك صناعي
أعز النفس عن كل الحبايب
دروب العشق ما فيها انتفاعي
كفانا الله من شر المصايب
اشوف الحب صاير بالخداعي
من اجل الحب خاصمت القرايب
ومن عقب الحلو ما صبحت واعي

((في نهار العيد))
في نهار العيد من بعد العصر
مرني يا فهيد ملهوف الضمير
لبسها الفستان با اللون الخضر
والكعب عالي على هونه يسير
قلت له يازين وقف وانتظر
لاتعذب واحدن بك مستدير
بس خوف الله ما فيني صبر
قال أنا جاهل ومطلوبك عسير
لو درى الرقعي عن هذا الخبر
يمكن يشيب وهو توه صغير

((ياللي تمنيني))
ياللي تمنيني بوصلك ولا تم
خلك وفي والحاضر أحسن من الدين
جسمي نشف ماعاد به قطرة الدم
وانته تواعدني ببكره وبعدين
لو كنت مثلي يوم أنا فيك مهتم
ماكان طال الصدمابيننا البين
مجبور وانته ياهوى البال تعلم
خفف هموم القلب ياكامل الزين
مثلك يقدر ياالحبيب ويفهم
ماهي بكافي ياحلو نظرة العين
مظلوم أنامنك وعندك أتظلم
خليتني يالغالي اصفق بكفين
أنااعتقد لو شفتني في جهنم
تقول حطو فوق ذاالنار نارين

((والله لوقالوا أنسى))
والله لوا قالوا انسى ما استطيع انساه
ياكيف أبنساه وروحي فيه مفتونه
تطري عليا ليالي عشتها وياه
قدام لاهم عن عيوني يخشونه
حسبي على واحد من جيته ينهاه
جعله ضرير وما يلقى اللي يقودونه
يا ويل قلبي عليه ومقصدي لاماه
في سنة الله عسى شوري يطيعونه
أبوجديل بأنواع العطر غذاه
أسود كما الليل متحدر على أمتونه
لامنه أقفى كلنا نحتار لو شفناه
من طول راسه معه ناس يشيلونه
((كلما جف))
كلما جف دمع العين في خذها
اذرفن العيون القشر دمع جديد
ضيقه الصدر عندي واصله حدها
والمحبة بقلبي كل يوم تزيد
وان وصلني مع المنذوب من عندها
كلمة في رسالة قلت ذا يوم عيد
بنت ناس رفيع المستوى جدها
كل من حولها يمشو على ما تريد
افتحت باب قلبي واسكنت وحدها
بين هذب الضلوع وبين حبل الوريد
ابيع روحي رخيصة واشتري ودها
وان حصلي رضاها والله اني سعيد
لوترى حالتي وش صار من بعدها
كان حنت علي لو قلبها من حديد
عاذلي في هواها لو ترى خذها
وان دبحني هواها والله اني شهيد

((ألاياعين))
ألاياعين ياقشرى تهلي
اذا بيرتاح قلبي من ظنوني
وقلبي ياهوي يشكي ويملي
وهذا اللي كتب يجي حيو ني
شكى دمعي ولاادري وين أولي
وأنا حاير اشكي من ظنوني
يقول اللي ابتلى خله يولي
وما يدري بلوى من تكوني
أنوح الليل وخلي ما يملي
ما يدري بالذي *** شجوني
بكيت الليل وقلب الحب مبلي
وأنا اللي بهواهم قدبلوني
أبونايف يقول انا اللي مبلي
عسى اله يفرج مابي ظنوني
أنا قلبي شكا والحب بدري
وتوي في الهوا محدن درابي

((يا نفسي ارتاحي))
يا نفسي ارتاحي ويا قلبي ارتاح
مادام دنياك اخرتها الزوالي
مانيب محسب للخساير والأرباح
سوى سوى عندي رخيص وغالي
ارعى خياله كلما بارق لاح
يامن خياله ما يفارق خيالي
بكيتني ياطير فوق الشجرناح
خليت عيني تسكب الدمع غالي
لما سمعته هيجك قبل الأصباح
فقلت مثلي لوعتك الليالي
ياطير لاتكثر تغاريد وصياح
انظر لحالك هل غذا مثل حالي
اما اعطني يا طير ريشك والاجناح
والله فتح لي في سماه المجالي
والا اترك التفكير والهم يا صاح
الهم كله والتعب والعنالي
ما صرت مثلي في مهبات الأرياح
العب معاهم في جنوب وشمالي

((أمرك علي))
أمرك علي معصي ومطلبك مرفوض
وأنت الذي تقدر تسويه سوه
وحبل ربطني فيك منقوض منقوض
أمارضى ولا نقضناه قوه
عجل وفارقنا ترى القلب ممروض
اشلون اجالس شخص مابه مروه
غرتني الكشخة وشفت الشعر فوض
وأثر بلا بعض المخاليق جوه
ياعل مانته لي بذاك البشر عوض
وبيت سكنته عجل الله خلوه
ياكثر بغضي لك ولا ني بمحضوض
مثل العدو اللي يقابل عدوه
ان غبت عن عيني فلا أنته بمحفوض
وان جين أباأقابلك ماقلت قوه

((لاترحلي))
لاترحلي وانتي بقلبي مقيمه
كوني بجنبي وأحكمي واظلميني
لاترحلي كوني بقلبي رحيمه
بس اخذي وأعطي معي وأفهميني
كوني لي الدافع وروح العزيمه
قبل الفراق المنتظر علميني
مالي بدونك في الحياة أي قيمه
ان مت من حر الفراق اعذريني
أنتي عظيمه فعلا انتي عظيمه
وأنا عظيم اللي تطولك ايديني
أنتي تركتيني بصورة سليمة
أنا أهجر الدنيا ولا تهجريني
ذلي وضعفي وانكساري هزيمه
ماهي صفاتي لاحشى تعرفيني
جيتي كريمه واهجريني كريمه
يمكن تردك مقبلات السنيني
أنا أدري الأيام ما هي مديمه
دوراتها تقبل وتقفي بحيني
وأبكي على اطلال ألليالي القديمه
اذا طرالك جوها فاذ كريني
((ياللي مع السوق))
ياللي مع السوق التجاري نطحني
عقب العصر والسوق مليان جمهور
قالوالي انك قلت حبك ذبحني
وصدقت من قال انك انسان مغرور
غيرك نصب لي بالهوى ما طرحني
اللي جبينه مثل نور على نور
هذاك فعلآ لو بعينه شبحني
أما انت يا المسكين ما غير مقهور
هذاك حبه بين ربعي فضحني
لو شاوروني فيه ما اطاوع الشور
دكتور لنذن يوم جيته نصحني
قال ابتعد واقسمت ما هو بدكتور
جيته اداوي الجرح لكن جرحني
معقول أبسمع فيه لوكنت مخطور

((أهلآ بمن سلم))
أهلآ بمن سلم وهو ماتكلم
لكن عيونه سلمت بالنيابه
دنياتجارب ما تعلم معلم
ودرب الهوى مايجهله من مشى به
اقيل علينا قلت بدر متمم
هذادواء المجروح والا عذابه
غضيت طرفي كن ماني بمهتم
وهو غدى بالقلب حضرة جنابه
من قبل ينطق كلمته قلت له سم
أمر على اللي راح قلبه نهابه
قال السعودي تصرفونه على كم
دنياركم ماني بعارف حسابه
جينا زياره والدنانير تلزم
قلت ابشروا واللي يجي ياهلابه
لاشك ماحناصراريف ياعم
امشواعلى الصراف اوريك بابه
وحناعلى الصراف بلعله أفهم
غرو سعودي ضيقات ثيابه
من عقبهم صاير معي ضعف بالدم
وضيقة نسم والقلب زاد التهابه

((يمشي على مهله))
جذبني المنظر مريت أبا تعذر
عن واحد اتخبر شايل معي مكتوب
مشيت انا صوبه خجلت من ثوبه
وقلت هالنوبه يا غالب اومغلوب
ان ماخذا رقمي اللي عليه اسمي
أروح من يمي يا حظي يا مكتوب
عساه ما يزعل بس اش يبي يفعل
لابد نتحمل اللوم والمعتوب
مشيت واتقدمت نسيت ما سلمت
لكني اتكلمت وضحت أنا المطلوب
مشى وخلاني بالباب وحداني
قصده تحداني واقسمت أنا ما اتوب
اجيه في بيته والخط وديته
ياما توصيته بواسطة منذوب
قرا سلاماتي وازكى تحياتي
وقال لي تاتي بس لاتجي مصحوب
جيته على وعده وزانت القعده
كلن مسك حده محبوب مع محبوب

((ساعه بعد ساعه))
ساعه بعد ساعه ويوم بعد يوم
وحين بعد حين وليل بعد ليل
ورقده عقب قعده وقعده عقب نوم
وشده عقب راحه وشده عقب ويل
عالم بعد عالم وقوم بعد قوم
وناس بعد ناس وجيل بعد جيل
لوعشت في دنيا الورى دايم الدوم
حبك بقلبي ناصب له تماثيل
جسمي نحل واللي بقى جلد وعظوم
وتقول حيلك قلت ما عاد بي حيل
الأقدام تعبت يا الغضي والله علوم
لاجيت ابا امشي يارده كنها ميل
جابك لي الله وقلت يا حظ يا مقسوم
ويا ويل ويلي منك ويل على ويل
خايف تصيبك دعوة انسان مظلوم
دعى عليك بها مع تالي الليل
عيشي غدا حسرات وأمراض وهموم
واحرقت نفسي با الكتابه تهاويل

((لعب بي وليفي))
لعبي وليفي لعب كوره ضربها بليه
وسجل بها فوز البرازيل في الدوره
وقف حارس المرمى يبي مسكها بيديه
ومرت مثل صاروخ من بطن فنتوره
ولاحارس المرمى من اللي قدر يحميه
تجيه الكور من ضربة الرجل مسحوره
وصفق له الجمهور يابليه عاش بليه
وعشرين ألف اللي خذواللبطل صوره
وهذا يعيش له وهذا وقف يدعيه
ومليون متفرج من الناس جمهوره
والى شات جاب القول عيب الهدف يخطيه
وله في جميع العالم أخبار مذكوره
ويكفيه بس اسمه اللي لمع يكفيه
ومعروف بين الناس في كل معموره
قالوا لي اذكرلك لو اعيب غير بليه
وأنا خايف كلن يرى النقص في دوره
وهذا نحبه في النوادي وذا نغليه
ولي في العرب يا عالم أبطال مشهوره
((قالت اسمي))
قالت اسمي في البداية يشبه اسمي في النهاية
مثل زول با لمرايه صورة تشبه لصورة
لوحذفنا حرف ثاني ما بقى فيه الكفاية
اسم حرف من حروف اسمي تشكل في سطوره
قلت يا حلوه قضيتي وقت كافي في القرابه
قالت الشعر اكتبه واقراه من شتى بحوره
قلت يا البنت الذكيه كل واحد له هوايه
هل دخلتي في مجال الحب واعطيتيه دوره
قالت اهلي عندهم حب الفتاة اكبر دعايه
كم محب عندهم بالظلم متحطم شعوره
والتقاليد القديمه ما لنا عنها حماية
لانزال نعيش فيها والجهل ولت عصوره

((صار الزعل يا وليفي))
صار الزعل يا وليف الروح عاداتك
وأنا الصبر صار لي عاده وحبيته
وانت على الراس والزلات ما جاتك
وما جازلك يا وليف الروح سويته
بكره تندم على وقت مضى فاتك
يوم الندم ما يفيدك والخطا اخطيته
عشرين مرة قبلنا با عتذاراتك
وكررت عذرك علينا لين مليته
عودت قلبي على قطع اتصالاتك
والى اتصل ترفع الهاتف وسديته
ما عطيتني صراحة ربع ما أعطيتك
واللي وفا لك بنقض العهد جازيته

((ياعاذلين))
يا عاذلين المبتلي مالكم حق
المبتلي معذور لو شق جيبه
عليك ياالغالي فؤادي تحرق
ياكبرها صاصاحبي من مصيبه
شمل الحبايب يامحمد تفرق
ماجابت العين الشقيه تجيبه
سمعت مخلوق على غرفتي دق
ماكنت متوقع مجي النقيبه
قالت صبر نا وأخر الصبر غلق
قلت اطلبي واللي تبينه نجيبه
قالت خطامي في يمينك معلق
الي تكرم ياالسنافي تجيبه
جاها جواب كنه السهم واسبق
سهم يعذب بالعنى من يصيبه
قلت ياالله التوفيق قالت موفق
ولابد كل منايواجه نصيبه
غربت أنا وداعج العين شرق
وياعنك مو دار الحبيب قريبه

((ساقت مقادير السماء))
ساقت مقادير السماء الترف يمي
سوق الرياح المثقلات السحابي
جاني وأنا اشكي من عذابي وهمي
وسهي وهو جاسي وطول العذابي
هلا هلا بك ياخلف أبوي وأمي
يامحرق قلبي وهو مادرى بي
يوم اختلط حبك مع اعروق دمي
ألبستني في الحزن سود الثيابي
بديت في صفحة ضحاياك باسمي
طلبت عفوك واستجارك شبابي
لكن عيونك مهلكة يوم ترمي
ماتستريح الا تمكن صوابي

((يا صاحبي هجرك لمثلي))
يا صاحبي هجرك لمثلي حرامي
عذبتني يا داخل السوق حيله
تمر حتى ما ترد السلامي
ماهوب حق الخل يهجر خليله
نسيت الأول يا ظبي العدامي
يومك تراعيني بكل الوسيلة
ياناس يا اللي تفهمون الغرامي
قولوا لمحبوبي تراني دخيله
ان كان قصده يدور عدامي
انا على ما راد مني بجيله
ابوثمان بيض حدر الثامي
والخذ براق سرى في مخيله
والعمر عشرآ واربع بالتمامي
اموت واحيى لالمست الجديله
((ما جيتني زاير))
ما جيتني زاير مع الناس
اللي جو يمي زيارة
واقول معروفك على الراس
ساعة زمن ما هي خسارة
أوخط مكتوب بقرطاس
في العيد استبشر بشارة
خليتني حاير ومحتاس
اثاريك تحسبها شطارة
مغرور با لفضه وبا الماس
وبالكدالك والتجاره
واللي بنالك بالحشا ساس
ما همك الآمه وناره
يا قلبي المجروح لاباس
عليك يا لابس اسواره
بين الترجي فيك والياس
ياللي بنى في القلب داره
عذبتني يتزين الاجناس
في عشرتك ذقت المراره

((من فرقتك))
من فرقتك لاأكل ولاأشرب ولاأنام
حالي براه الود يا بعد حالي
ليت الهوى يعطي مقاييس وأرقام
تشوف قوة لوعتي وانشغالي
ماشي على دربك وعذبت الأقدام
يوم ابتدينا ما حسبنا التوالي
عام مضى يا صاحبي وابتدى عام
كف العنى يسد لي ما جرا لي
صحيت من نومي وفسرت الأحلام
خسران يا عايش بدنيا الخيالي
وريتني ظلم الليالي والأيام
شف لي طريقه يا غزال المفالي
قلت اعطني يدك على دين الأسلام
ولا ابتعد عني ومالك ومالي
طاوعت فيني كل حاسد ونمام
وارخصتني وانتا عزيز وغالي

ا((لبارحة يا حمد))
البارحة يا حمد محتار
امست همومي تباريني
ولع بجوفي لهيب النار
لولا الدفاتر تسليني
والقلب كنه على منشار حده يقطع شرايني
وقلت ياقلب يا صبار
كل يوم اشوفك معنيني
صاحب بصاحب ودار بدار
والشكوى لله معاديني
ارض عريضه يمين ويسار
فيها ميات الملايين
انا معود على الاسفار
وارزاق ربي تكفيني
عيب عليه وعيب وعار
اقابلك يا معاديني
نفسي عزيزة ودمي حار
والغش ما يقبله ديني
انشهد ان الزمن غدار
في يد شرواك يرميني
ياقلبي اصبر على اللي صار
واذكر يا مجافيني

((ترى طولتها))
ترى طولتها وابغاك تفهم
قوانين الهوى وتعرف دروبة
وقمت اضحك معك ساعه تكلم
وقد طوفت لك عشرين نوبه
المولع يفتهم ماطاع يفهم
ولقينا عشرة الجاهل عقوبه
وخلك يالغضي تزعل وتندم
وكل انسان يتحمل ذنوبة
وخلك بعد ذا المره تعلم
بعدما قلت لي عندي ولدعم
يكلمني وذي دبله خطوبه
نسيت اللي علشانك تحطم
يعاف العمر لاجلك والكسوبه
وانا نفسي عزيزة وانت تعلم
ولا احب الذي تكثر عيوبه

((قلبي تولع))
قلبي تولع في فتاه صغيرة
ربي ما قصر في حسنها وفي بهاها
يوم نظرني بالعيون الخطيرة
ومن ذيك النظره ربي روحي شقاها
مدري وانا في بر وسط ديره
او في وسط الدنيا او في سماها
بعد اليسر صارت اموري عسيره
ومن كثر حزني روحي جاها بلاها
لها خشم كلسيف في يد شطيره
ولها جديل طوله يسحب وراها
من شاف ذاك الجسم اصبح في حيره
وخدود مثل الورد ياسعد من جناها
قلت اسمحي بقول كلمه قصيره
انت منايه وغيرك ماعيش معاها
قالت لي ارجع كان تبغى الستيره
فقلت ما اقدر حبك كبدي كواها
والله ما ارجع لو تصبح كسيره
انتا طبيب العله وانت دواها
((حبيبي كم تصور لي ))
حبيبي كم تصوري لي خيالك
وكم اسهر من حبك جفوني
انا والله عاجبني جمالك وساحرني بنظرات العيوني
جميل الشكل ما يوجد مثالك
كحيل الطرف مملوح الجبيني
ببسماتك تفرحني بكلامك
وببسامتك تثير الشوق فيني
هويتك والهوى لولا دلالك
حشى الله ماداعب شجوني
حياتي والعمر كله فدالك
وروحي من اجل حبك تهوني
ابو بندر حياته في وصالك
وشوفك مقصده لما تبيني
اريدك لي وانا ابغى انا لك
على طول الليالي والسنيني

((كتبت حرف السين))
كتبت حرف السين على خاتم الماس
بأهديه للي يستحق الهديه
للصاحب اللي عندي اغلى من الماس
عيديه مني له نهار الضحية
تقبل ومشكور يا اجمل الناس
مع جزيل شكرنا والتحيه
ماطعت فيني كل واشي ودساس
ممنون لك ما دامت الروح حيه
حبيت ما حطيت للحب مقياس
عطيتك اول حبنا والبقيه

((الهوى ماهو غصيبه ))
الهوى ماهو غصيبه من تبعد وش نبي به
لازم الدنيا تجيبه قصر اوطال الزمان
ما يغلبني غليبه واستمع له واستهي به
غير من عينت طيبه ما ذكرت اسمه فلان
المغفل يا مصيبة ابتلش به وابتلي به
مجلسه مافيه طيبه لا جلس ضاق المكان
اذهبت حالي ذهيبه ذات الاغضان الرطيبه
عشت في دنيا عجيبه انظر الحور الحسان
هي بعيده او قريبه الزيارة يا لحبيبه
ضامري ولع لهيبه نار مافيها دخان
قال من فارق حبيبه ياعرب قرب مشيبه
والمرض حير طيبه صاحبي مابه حنا

((متى ينتهي هذا العذاب ))
متى ينتهي هذا العذاب الشديد
متى تهتني عيني بطيب الكرى
لك الله لولا الصبر عندي حديد
وعزمي قوي ماعشت بين الورى
ومن يسمع اللي بكته من قصيد
يقول انت في راحه وهو ما درى
ولابد ما يشرق علي يوم عيد
ينسيني اللي راح والي جرى
جنيه الذهب ياصنع عبدالحميد
فراقك دمر حالي وجسمي برى
جنيه الذهب مابيك تسهر وحيد
وانا اسهر مع اللي باع واللي شرى

((ليه السهر ياعيوني))
ليه السهر ياعيوني احبابنا زاعلوني
وان كان هم مايبوني احنا خلاص انتهينا
ياللي نسيت المودة من عاشرك لا تحده
والقلب ياحلو رده ارجوك رده علينا
اذكر ليال جميلة بين العميل وعميله
ياغصن وسط الخميله احنا بحبك رضينا
ما انتا على الطبع الاول ياخوف قلبك تحول
صبرت والصبر طول بدروب حبك مشينا
يحق لك يا مدلع ليه وانت تطلع
والقلب بالنار ولع خساره اللي مشينا
كنت احسبك ملك ليه تعبت روحه وجيه
اثاريك تلعب عليه يا صاحبي ماعلينا
انتا طلب البداية وانت السبب في النهايه
تمشي بقصد وغاية نويت تلعب علينا
((يا سلام ))
ياسلام ياسلام الله
ياحمام جر الالحان
من يعين من يخاف الله
صابني سحاب الارداني
قال لي ما شفت عبدالله
قلت ما شفته ولا جاني
قلت له ترى السلام لله
ماهو حق منك هجراني
يوم شلته قلت عز الله
صرت للغزلان سلطاني
لا تخليني بحق الله
يوم ربي بك تبلاني
اه لولا الخوف ياهل الله
من كلام فلان وفلاني
شعر / فلكور غناء / عيسى الاحسائي
((زمانك لو صفالك))
زمانك لو صفالك لك يوم فلا تحسب صفالك دوم
وعينك لا هنتت بالنوم ترى الايام غداره
ولاني امس مثل اليوم اكرر ونتي اقوم
واقول العاشق المحروم نعم ما تنطفي ناره
انا لولا الحياء واللوم لاوضح ماجرى معلوم
واقول لعاذلي ياقوم فؤاذي باحت اسراره
نهاري ولوله وهموم وليلي يا حبيبي حلوم
انا اللي في الهوى مظلوم على خل بعد داره
وهذا الحظو المقسوم اقضي العمر يوم بيوم
ودكتور الشقا معدوم وقلبي ولعت ناره
وعن حبك نويت الصوم ولاني ملك لك محكوم
وجنسك بالعرب معدوم لاشك النفس محتاره
((ليت التليفون))
ليت التليفون من يمك
ما ينقطع يا بعد روحي
ياخف روحك على دمك
عندك سواليف ومزوحي
الهرج لا صار من فمك
يصير بالحيل مملوحي
مبطي وانا شايل همك
من داخل الجوف ياروحي
اللي تجرا على ذمك
من يمه الاذن ما توحي
ياليت من هو ولد عمك
ويصير له منك مصلوحي

((ردي عليه يا هوى البال))
ردي عليه ياهوى البال ردي
والا بعد هذا تراني خطيري
يظلم علي البيت ساعه تصدي
واطيح مغشي وانا على سريري
الوقت يمضي والثواني تعدي
واسكت وفي قلبي نار السعيري
انا اشهد اني مخطر وانتي مغدي
لا جيت ابخليك عيا ضميري
حدك تراك اوقفتني عند حدي
ياصاحبي كلن بنفسه بصيري
لا شك جاني يالغضي ما يسدي
ويلاه من ظلم الحياة المريري
وين الطريق اللي مشيناه يودي
ان كان ماله حد ليش المسيري
صبرت ما بينت للناس قصدي
وصرت انا المأمور وانت المديري
احنا لنا عادات ياعم افندي
اللي يفاخرنا يصبح حقيري
شفتك توجه بعض الاقوال ضدي خل الجفايا يانور عيني لغيري
واعلم تراني احب نوع التحدي
واتعمده مرات مهما يصيري
((يا خوي سلم لي))
ياخوي سلم لي على نور عيني
ذاك الحبيب اللي في قلبي غرامه
من يوم ودعته وقلبي حزيني
والحال من فرقاه زايد سقامه
اذا عطاك الرد خلك فطيني
تفهم اشاراته واحفظ كلامه
حسبي على من حال بينه وبيني
وعلى الظروف اللي احرمت ابتسامه
ريم احبه مثل يبيني
وهو لعمري دوم غاية مرامه
((قلبي ياحبيبي))
قلبي طبع ياحبيبي في مودتكم
ماكان عندي امل تهجر وتنساني
ازعلت كل القريب من اجل خاطركم
وترحص محبك وتغلي واحد ثاني
لا شك مشكور وانا برضي اقدركم
واذكر ليالي السعاده معك يالغالي
اذا تذكرت وقت قضى معكم
يطير قلبي ودمع العين همالي
لا شك اصبر ولا ودي اكرركم
شمت بي الناس عدوانك وعدواني
قلي شنهو حصل مني وبعذركم
واقول هذا جزاي يا نور نور الاعياني
((عذبتني يا اسمر ))
عذبتني يا اسمر اللون بهواك
واشقيتني بالبعد يا نور عيني
حالي نحل والقلب ماعاد يسلاك
ومالي جدى ياغير جرالونيني
كيف اتصبر واتسلى وابسلاك
وصورتك ياالمجمول قدام عيني
عندي خبر البعد ماهو برضاك
حسبي على من حال بينك وبيني
حط شبابي وزاد همي بفرقاك
قصده عذابي ولي الله معيني
يحفظك ربي ياحبيبي ويرعاك
يحرسك من عيون الحسد يا ظنيني
افضل انا هايم وعايش بذكراك
يعيدك لنا بالسلامه ثم تجيني
يا منيتي وان راحت الروح تفداك
لو كان شمتوا بنا ذا العاذليني
((انا البارحه))
انا البارحه يوم العرب رقدوا ونيت
كن الحشى تشعل بوسطه لواهيبي
علي اللي بحبه وسط قلبي بنا له بيت
سكر على سر الهوى في الدواليبي
ويابو حمد كانك على بيتهم مريت
الى شفت سيد البيض زين الرعابيبي
قله ترى اخطا وانا مثبت ما اخطيت
واخطا علي يوم اقصر ت بي المواجيبي
تخالف علي جيراننا يحسبوني ميت
وهم دروان ان الحب له دروب صعيبي
((لا تقول اني هجرتك))
لا تقول اني هجرتك او نسيت
الظروف اللي منعتني ما اجيك
ياحبيبي لو تدري بي ياليت
كان تعنا لي لو اني ما ابيك
لو نويت الصد عنك ماقويت
مالك حبي وقلبي عاد بييك
اشهد في هوى حبك رضيت
والامر امرك وانا منك وفيك
((الله اكبر حبيبي))
الله اكبر حبيبي غير الوقت رايه
عقب ذيك الموده مايرد السلامي
اذكر اسمه على صورته له معايه
حسبي الله عليها كيف ترخص مقامي
ما تحفظ واداري ناقلات الوشايه
لو ضحكنا لغيره ما نسيته حرامي
انت سبة جروحي وانت بلسم شفايه
وانت غاية شعوري ياظبي العدامي
ويش ذنب فعلته يوم هذا جزايه
ماغعلنا خطيه تستحق الخصامي
احسبك ما تصدق من حكم في قضايه
واثر قلبك يجرح خافيات الخفايا
ياعظيم المعرفه لا تزيد الحكايه
بان وجه الحقيقه ماتفيد الحكاوي
عشرتي لك شريفه مسلم لك ولايه
احسب انك صدوقي في مبادي الغرامي
واثر ماضي غرامك يالحبيب دعايه
وخسارة عيون ساهرة ما تنامي
((رماني بالهوى))
رماني بالهوى من هو رماني
وبكاس الحب من همه سقاني
يبادلني المحبه والاماني
ويوصل الحب باخلاص وتفاني
تعاهدنا وصار الحب مبدى
وهذا الحب هو اسمى المعاني
ولكن قبل ما نحقق منانا
بنار الحب محبوبي كواني
لانه صاحبي هرج النماما
وهذي عادات البيض الحسائي
نكرني وراح ولا مره ذكرني
وانا اعد الدقايق والثواني
((البارحه بالليل ))
والبارحه بالليل انا زرت خلي
من واهج بالقلب زود لهيبه
ابو لطيف الروح منه ما ملي
وعز الله اني قابله بكل عيبه
تمكن غلاه بالقلب وغيره يولي
وهذا نصيبي واثر كلن له نصيبه
وان كان تهواني ياخلي فقلي
ترى الطلب سهل وامرك نجيبه
وانا اشهد اني في هوى الزين مبلي
من لامني جعله تبلاه مصيبه
((يابعد عمري))
يابعد عمري ما يصحي
عقب الرضا تزعل عليه
ما طعتني مافاد شرحي
اتعبتني روحه وجيه
اكتب لك المكتوب وامحي
واغيره واتي نزيه
حمامه ظلت تنوحي
تردد ألحان شجيه
امن العطش نفسي تفوحي
من يسقي العطشان ميه
سلمت لك سيفي ورمحي
في دورة الحب القويه
من حب ملزوم يضحي
يهدي لمحبوبه هديه
ماهو من الواجب تشجي
ماجاك من عندي خطيه
((ياصاحبي))
ياصاحبي طال هجرك والصدود
بنار شوق الحب احرقتني
الله يجازيك ياخاين العهود
ياليت ما عاهدتك وعاهدتني
من كثر صبر القلب بيحت السدود
واصبحت في ذل الكرامه دني
كل الخطا منك وعندي لك شهود
على صدودك كان انكرتني
وانا انك يالحبيب المرود
على كلام الواشي سيبتني
ياخفيف الدم عسى وصلك يعود
اسعد بوصلك لين سايرتني
يا منيتي لا تسمع هرج الحسود
انا اللي جيتك وجيتني
((يا وردة))
يا وردة نورت بين الورود
ودي اقطفها لكن ما اطولها
الورد واجد لكنها بزود
اهل الهوى كلهم قروا لها
حطوا عليها حرس فوق الحدود
ياويل منهو قرب صوبها
((اجرحيني))
اجرحيني جرح في قلبي عميق
جرح ذكرى ماتداويه السنين
والرسائل ولعي فيها حريق
واثبتي شكي بحبك با ليقين
اتركيني واقف وسط الطريق
وارحلي عني وخليني حزين
حيث يبقى لي من الماضي صديق
جرحك اللي صارفي قلبي مكين
ابتعد ياخاين العهد الوثيق
ابتعد مااحب قرب الخاينين
ابتعد مثلك لمثلي مايليق
تمضي الآيام والخاين يبين
اكتم الآسرار لو صدري يضيق
واتصبر يامعين الصابرين
((يابودليق))
يابودليق على الآمتان هل
ناعم يشادي لمنسوج الحرير
ياعنق ريم على طلعة جبل
تصبح وتمسي على جال الغدير
ليه البكا والشكا وليه الزعل
ترى الجفا ياحبيبي مايصير
تعال نجلس وننسى اللي حصل
يابعد حالي ترى حالي خطير
طول صدودك وأناجسمي نحل
وحبناصار مجهول المصير
اماعطني حل وأنا اعطيك حل
ولا ترى حبل عشرتنا قصير
ياكامل الزين هل الدمع هل
والروح شبت بها نار السعير

((وتقول))
وتقول لاتبطي وأنا بانتظارك
ابشر بسعدك واصلينك على خير
اباصلك لو هي بعيده ديارك
لوسرت لك حافي معني القدم سير
اباصلك غصبآ علي باعتبارك
دنياي اذا ماانته بها ما بها خير
بعيش حتى في عذابك ونارك
النار افضلها ولا منة الغير
أنا حسب ظنك وحسب اختيارك
ما اشكي غرامك لو شكى راهب الدير
لا لا تقدم للمحب أعتذارك
انته سماي اللي تسعني وانا الطير
طبعآ شعاري في المحبه شعارك
مادمت طيب عدني دايم بخير

((يا خشوف))
يا خشوف ليلة الجمعه تعدن
يوم نادى للعشاء صوت المنادي
طولن مقدار ساعه ثم مدن
والشوارع خالية والجو هادي
أسألني عن طلبهن ثم صدن
واشعلن نار الهوى داخل فؤادي
لو يودوني على دكتور لندن
ما يعالج جرح غزلان البوادي
صابني با لعين غروٍ ما تمدن
ابدوي حير عقول العبادي
ابتسم لي قال معجب قلت جدآ
هز راسه قال يا مسكين غادي
قلت له ما فيك رحمه قال لاأبدآ
قلت فعلآ لاحياة لمن تنادي

((عطني دليلك))
عطني دليلك با لجفا يوم تجفا
ان كان عذرك في محله عذرتك
في وقت انا ارجيه باتغير وتصفا
وراك تزعل كلما اني نصحتك
عسى جروحٍ منك بالقلب تشفى
جروحك كثيره بي وانا ما جرحتك
عجزت لا القى في محبتك مرفا
معذور لو همت بهواك وهجرتك
ياليت تعذيبك لي العام كفى
عزالله اني بالعنا من عرفتك
ما فيه سر للمحبين يخفى
وانته عن اسرار الهوى ما سألتك
خل الشموع بما ضي الحب تطفى
وقل للذي ما حب ياطيب بختك
قلبٍ مثل قلبك من اللوم يعفا
أما انا يا بايع الحب بعتك
((طار الكرى))
طار الكرى والعين جاها بلاها تو
سبب جادلٍ يسكن قصور الصباحيه
الى غاب عن عيني يظلم علي الجو
واقوم واكتب الآحاد في خانة الميه
ويابوعلي شبت بجوفي لهايب ضو
أبا اصارحك عندي مواضيع سريه
ويا حسرتي يا خوي كان اهلهم شدو
وراحت مواترهم بهم للسعوديه
الى جاوزوا حد النويصيب وتعدوا
يزيد البلا والقلب تكثر طواريه
ابا روح وانشد ذيك العرب حلو
وادور جوار البيت غرفة عزوبيه
وقدام وجه البيت لامنهم مروا
أبا اشاهد المجمول نظره بعينيه
أبا اصبر على زلاتهم لوعلي اخطو
على شان واحد منه الحال مبريه

((طايرات الميج))
طايرات الميج واحد وعشرين
ما تجيب اهدافها مثل عينك
والرموش السود صفيت جيشين
واشرقت شمس الضحى من جبينك
والهوى غنا لك ألحان يا عين
طار عقلي في جمالك وزينك
ما ورى زينك خلق بالعرب زين
الهوى سيفه لمع في يمينك
فلتك دورين وأهلك سلاطين
وانت يا المسكين ربي يعينك
طير يا طاير وعندك جناحين
أقسم الجنحان بيني وبينك
مدني با الريش واكتب علي دين
الهوى وابن الهوى يستعينك
خلني اشاهد قصور المحبين
طالت ايامك وطالت سنينك
قالوا اصبر قلت أنا الصبرمن وين
وأنت ياللي تملك القلب وينك

((ودعيني))
ودعيني قبل ساعات الرحيل
الليالي فرقتنا يا نوال
واذكريني عند ساعات الاصيل
واذكريني عند ساعات الوصال
واذكريني في دجى الليل الطويل
واذكريني عند حبات الرمال
واذكريني ها أنا عابر سبيل
هكذا الدنيا نزول وارتحال
واذكريني في وفايا والجميل
بدل الرحمن حال بعد حال
ها أنا أصبحت لااعرف دليل
هايم بين الروابي والجبال
((اشرت بالكف))
اشرت بالكف قالت رايحه
نلتقي وياك في وقت قريب
قلت يا عيني حلمت البارحه
تجي في عز نومي يا حبيب
والمعاني في عيوني واضحة
خلها عني علشانك تجيب
من فرح قلبي دموعي سايحه
وعذاب القلب يوم انك تغيب
ينبري حالي وعيني نايحه
المصيبه ان كان لي ما بك نصيب
راجحه كفات حبك راجحه
وانت اعجبت كل من شفته عجيب

((ارفع الغشوة))
ارفع الغشوة عن الوجه المنير
جل من صور جمالك يا ملاك
لاتوريني الهوى توي صغير
لاتمشيني على درب الهلاك
لاتعلمني على الغيره وأغير
لاتقول أبعد ويملكني سواك
خلني جاهل ولين اصبح كبير
واتجاهل زلتك وادمح خطاك
واعطني حرية أختار المصير
في حدود العرف وامنحني رضاك
ياشذى وياورد ويا مسك وعبير
بعد رجوا الله عايش في رجاك
وتصبح المسؤول لو عقلي يطير
ما ترى قلبي محلق في سماك
((هجرتيني وبالسرعه نكرتيني))
هجرتيني هجرتيني وبالسرعه نكرتيني
مشيت ما ذكرتيني نسيتي ذيك الأيامي
هجرتيني وصديتي ولا ادري وين وليتي
وأنا مرضان في بيتي كليف الجرح ما نامي
نسيتي من بذل ماله نسيتي من نحل حاله
ولا زلتي على باله وطول الوقت قدامي
بسيطة ياعديم الذات وهذي عادة النذلات
بسيطة كا ذا اللي فات ادوسه حدر الأقدامي
حقيقة بنت غداره عمى من تسكني داره
على الأسواق دواره تعديهم با الأرقامي
((زول نظرته))
زول نظرته يرد الباب
توه سكن باطراف الحله
مليح له منظر جذاب
شفته وهو داخل الفله
ساعه نظرته وانا منصاب
والقلب من مهجتي تله
صوت ياللي ترد الباب
ارجوك خل الدلع خله
قلبي نهبته بدون اسباب
خليتني بدرب ما أدله
طفل على أهل الهوى لعاب
في يديه سيف الهوى سله
لامس جرح المحبة طاب
ريقه دواء يشفي العلة
يضيق صدري متى ما غاب
ولا من حضر كل شي فله
الظاهر انه علي كذاب
ما يترك المزح في حله

(( البارحه مابين صاحي ونايم ))
البارحه مابين صاحي ونايم
كني صغير يسهر الليل مفطوم
سهرت لين الصبح جت له علايم
والليل ولى وانهزم واقبل اليوم
لين اذنوابالمسجد اهل العمايم
قالو اصلاة الفجر خير من النوم

(( حمامتين ببستان ))
حمامتين ببستان
لاغردن يطربني
ورديت معهم أغني
من بين ورد ورمان
رفعت صوتي بغني
سمعت صوت ولابان
زول الذي قد شحني
رجعت محتار وولهان
مالي جدى الاالتمني

(( اقبلت كنها ))
أقبلت كنها بدر تجلى
في دجى ليل خمسه عشره
تشبه البدر لكن عندي أحلى
نورها أوضح ونوره نخبره
التعب والضجر والهم ولى
شفتها واحمد الله واشكره
قلت فرصة سعيده ما تخلى
نلتقي جل رب صوره
يا بديع الجمال أهلآ وسهلآ
شوف حال المولع وانظره
((قالوا العيد))
قالوا لي عيد قلت أنا العيد
يفرح به اللي زار خلانه
أما اللي مثلي خله بعيد
يكفيه من العيد نيشانه
خلي مع أهله لابس جديد
ودنيا حياتي دوم تنكيد
ومعانس الاقدار من شانه
قيدت ابو سلمان تقييد
كني اسير بين عدوانه
ما ترحم اللي حزنه يزيد
وعينه طوال الليل سهرانه
قلب هواك يا سيد الغيد
حرام في الأعياد نسيانه
كلن تهنا كيف ما يريد
وعايد باحبابه وصدقانه
((احرق فؤادي يا حمد))
احرق فؤادي يا حمد وش يدريك
اللي يداويني حلاوة كلامه
هون على قلبي عسى الله يخليك
الحب والله احرقتني سهامه
والله لو لا القلب يا زين يغليك
لاأقول رح يا صاحبي بالسلامه
يا طير غرد فوق عالي الشبابيك
بردد الألحان مدري علامه
غرك معي انت لك من يجازيك
صوتك يصحي غارق في منامه
لا العيش هانيني ولا العيش ه****
الكل منا عايش با لندامه
يا طير ودي وين ما رحت اخاويك
من سوء حالي ما عليه ندامه

((واجهتها صدفه))
واجهتها صدفه على باب دكان
في سكة بين البيوت القديمه
في حارة ماكن حي بها كان
ماباقي الا ثار هامستقيمه
محى الزمن عنها الزخارف والآلوان
واتحطمت من عقب ماهي سليمه
كنت أحسب انها زايره عند جيران
سألت عنها ثم قالوامقيمه
شاهدتها تدخل مع باب هريان
في بيت من شغل العقول القديمه
عليه نمرة واضحه قسم الاسكان
مامرها الكهرب بصوره مقيمه
ثم طالعت عيني لبو رمش فتان
وقلت واعزاه والله ظليمه
الزين حظه متعبه وين ماكان
من حيث يتوجه زمانه خصيمه

((الله اكبر يا زماني))
الله اكبر يا زماني انا وش بيدي
كلما عدلت واحد يميل الثاني
قيدوني يا الله انك تحل القيدي
من يحل القيد ويرضي الزعلاني
قلت بالله قلنا بالسعر ياسيدي
كم تبيع يا صاحب البستاني
((يا زين جرحك))
يا زين جرحك في فؤادي مكيني
اسهر من اسبابك وقلبي حزيني
والعين ما ترقد مع المسلميني
والحال كمل ما بقى الا عظامه
قالوا هلي شفنا عيونك تباكا
ماذا جرى لك نبي نفزع معاكا
أو كنت مرضان نعين دواكا
قلت المولع سم حاله غرامه
واللي برا حالي وزاد انشغالي
انه جرا له بالهوى ما جرالي
لاعادني سالي ولا هو بسالي
ياليتني لاقيه واسمع كلامه
ياالله يا عالم بسر كتمته
ما يعلمه يا ربنا غيرك انته
واذا نويت الشيء صخرته وجبته
تشفي جروح المبتلي في هيامه
ويلاه من هم وروحي عليله
أنا دخيل الله وخلي دخيله
ياهل الهوى ما احد يخلي زميله
انوح نصف الليل نوح الحمامه
والله لا صبر لو يطول المطالي
يا طاهر اسمح لي برا الود حالي
واللي شغلني دايم في خيالي
ما ينمحي منه ليوم القيامه
لاشك ما جاني رسوله بنابي
وانا على شانه تحطم شبابي
اذا عذابه يا جماعه عذابي
فالعذر منكم ما عليه ملامه
((الماي قدامي))
الماي قدامي وأنا ظميان
معقول اشوف الماء ولا أطوله
اللي على الماء كلهم عدوان
حطوا حرس لحد يجي حوله
كيف العمل في الماي ياحمدان
شف لي طريقة حل معقوله
أن ما وردته ورحت أنا رويان
ولا حياتي جات مجهوله
والله لو دونه جميع انسان
لشرب وأبرد كبد معلوله
اخاف اموت وضامري عطشان
وذا الماى أنا ملزوم بوصوله
عيب على اللي ينثني خسران
عمر بلا ياحظ وشهوله
أما مع اهل الماء نصير اخوان
والكل فينا ينسمع قوله
ولا يقوم الحرب في الميدان
وكل واحد يرجع بمحصوله
(((حسبى على)))
حسبى على سايق الستين
فرق محب من احبابه
أقفى بخلي كحيل العين
حسيبه الله وش جابه
صوت يا ناس وين الزين
اللي خذ القلب وأقفابه
قالوا لى ان توهم ماشين
والقفل الأصفر على بابه
قلت اسعفوني بقلن بانزين
بشب في الفورد وأصحابه
والايرده علي ذا لحين
أجلس معه وأتهنى به
ابوجديل على الكتفين
بالمسك اللأصلي يغذابه
ماقدر على غيبته يومين
ماينشرح خاطري الابه
(((أنا لصحت مثلي)))
أنا الى صحت مثلي ما يلام
سواة من فارق أحبابه يصيح
أساهر الليل والعالم نيام
واطوح الصوت من قلب جريح
هذا جزاء من دخل بحر الغرام
مافى هل الحب واحد مستريح
لشفت أنا اللي على خذه وشام
أبوجديل على متنه يسيح
تصير دنياي من غيرخ ظلام
من حرمونس ما غير أوقف وأطيح
أنا اشهد أنه عدم حالي عدام
بهذل حياتي واهو حاله صحيح
أجلس والى مر قمت أضرب سلام
وأقول الطف بحالى يا مليح
أنا اتكلم ولا يرد الكلام
الله بلاني على احسن ما يرام
ما جرب الحب عايش مستريح
ماهوب مثلى حياته في انحطام
يا جاهل الحب تراني لك نصيح

(((والله لو قالوا)))
والله لو قالوا انسى ما استطيع انساه
ياكيف بنساه وروحي فيه مفتونه
تطري عليه ليالي عشتها وياه
قدام لاهم عن عيوني يخشونه
بيته قريب ولكن ما قدرت انصاه
واهو بعد مجي بيتي يمنعونه
ياويل قلبي عليه ومقصدي ملاماه
في سنة الله عسى شوري يطيعونه
عزى لحالي ويا ويلي عقب فرقاه
مسكين منهو سواتي غاب مظنونه
(((يامن يسلم لى)))
يامن يسلم لى على أعز الاصحاب
اللى هجرنى وراح غصب عليه
اقفى وخلانى تحت صاير الباب
امسح دموع العين وأفرك بيديه
ليش الجفا والهجر ياعذب الآنياب
نسيتنى كنى مسوى خطية
ان كان ياسيد العرب خاطرك طاب
عن عشرتي راحت حياتى ضحية
حبك فى وسط القلب ركز له اطناب
ماينمحى لوزرت حوض المنية
البارحة سهران لين القمر غاب
تطرى على أيام كنا سوية
أيام كنا يابعد روحى أحباب
والكل منا مايفارق خويه
طاوعت بى ياصحبى هرج كذاب
وخليت فى قلبى جروح خفية
الحب بلوى وكل شيء له أسباب
وأسباب مابى حب جالى الثنية

(((هويتكم ياحبيبى)))
هويتكم ياحبيبي والمقدر كان
والروح ياسيدى من حبك اجريحة
من أول كانى واليوم كلش بان
راعى الهوى لو صبر لزمن من الصيحة
ودى اشوفك دخيل الله بالآعيان
وأن ماحصل وصلكم تكفيني الريحة
قلبي على شوفك يامنيتى ولهان
بالوصل لى لاتخلي نفسك اشحيحة
سبحان من كونك لهل الهوى سلطان
تأمر وتهني واقول أفعالك امليحة
(((ياحبيبى ترى حالي برته المودة)))

ياحبيبي ترى حالى برته المودة
شف بعينك ترى محد تعذب سواتي
ساعد اللى طريح ماتعد المخده
عقب ماغبت عنى عفت باقى حياتى
من عرفتك عيونى دمعها ماترده
كل ماوقف دمع قلت ياعين هاتى
اتخيل لزولك كل يوم الف رده
أحسب انك تراعى خاطرى ياغناتى
كل ماجاك منى طارش قمت ضده
راقب الله ترى هجرك بسبب وفاتى
لو حبيبى يجى ويشوف ماصاب عبده
كود ينفذ عيون ساهرة ماتباتى
كن فى حجر عينه عسكر مستعدة
واعذاب الجنوبى دايم له يحاتى
من سعى بيننا بالهرج لارحم جده
كيف يسعى مابين اهل الهوى بالشتاتى
ليتنى وردة ياناس من فوق خده
أتلذذ بقرب الزين حلو الشفاتى
ولو يبى جيتى ما أظن أحد يرده
مير قصده يعذبنى وينوى شتاتى
(((يا بسطجي)))
يابسطجي باحملك مكتوب
وده لخلي داعج اعيانه
سلم عليه وكلمه باسلوب
واحذر يشوفك بعض عدوانه
قله تراني عقبهم متعوب
وخله يعلمني بعنوانه
جسمى عليل مايشيل الثوب
عزى لحالى عقب خلانه
لامن بغيت انسى الهوى واتوب
يطرى عليه الزين بافنانه
قلبي عقب فرقى الغضى مصيوب
والعين طول الليل سهرانه
ان ماحصل لى غاية المطلوب
اللي قضى عمرى على شانه
ابو ثمان مابها عذروب
ومجدل ظافى على امتانه
عقبه حاربت الزاد والمشروب
خلوه يواصلنى من احسانه
ياهل الهوى شيروا على المحبوب
اللى سبا روحى بهجرانه

(((صادفى قمرى)))
صادفنى قمري عشية في دورة البلدية
اقبل وسلم عليه ورديت له باحترام
وقف مابيدى حيله حاير ولا لي وسيلة
صدفة وليله جميله صادفت فرخ الحمام
يافهيد كيف الطريقة شبت بقلبي حريقة
اسرع يافزعة رفيقة هات المطافي قوام
هات الطبيبه عليه في الحال تكشف عليه
وانشد هل الصيدلية معهم دوى للغرام
ان كان ما عالجنوبى ومن ذا العذاب انقذوني
اش حيلتي في عيوني اللي جفاها المنام
اللي جرى لي كفاية عذبتني في البداية
يازين كيف النهاية عدمت حالي عدام
محد تعذب عذابي محتار باول شبابى
وصوحبي مادارابي يازين فعلك حرام
لحد يلوم الجنوبي مليت من شيل ثوبي
يالله تغفر ذنوبي واسالك حسن الختام
(((ألا يالله)))
الايالله ياعالم بحالي الهى طالبك حلمك عليه
ابت الليل من شي جرالي نحيل الحال وعيوني شقية
اطباء المملكة شرق وشمالي محد منهم عرف وش صار ليه
احتاروا كلهم محد سعى لي ولافادت اداوي الصيدلية
على اللى لاتمشى باعتدالي ودخل في العصر سوق القيصرية
حبيب الروحلاعن وطرالي اعاف النوم من يطرى عليه
نحيل الخصر ياحالي وحلالي ماتطرى لك ليالي الاولية
قطعت الوصل ياشبه الغزالي لماذا الهجر ياجالي الثنية
عذولي بالهوى مالك ومالي انا مااطيع في جثل الزوية
انا وان مت من قبل الوصالي ادفنوني في جنوب الصالحية

(((ياللي خذيت القلب)))
ياللي خذيت القلب تسمح ترده حرام لاتسرق قلوب المحبين
مادامك انك ما تعرف الموده أرجوك لاتسهر عيون مريحين
خلاص قلبي من الهوى وصل حده واللي بقلبك ياحلو قله ذلحين
ان كان لك غيري حبيب توده قلي وريح خاطري ياأريش العين
أعطيتك الدبلة برمز المودة وواعدتني برجوعها بعد يومين
أمس تعاهدني عهدود بشدة واليوم خنت وغيروك الشياطين
لكن أنا الغلطان وعفتك برده قلبي سمح من حب ناس دنيين

(((الاياهل الهوى)))
ألاياهل الهوى قلبي تفتت ومن كان السبايب ما درى بى
على اللى بشارع الخبازمرت عنود توها بعز الشبابي
في موتر بنزلوحاته موقت على سيت الوراء لاواعذابي
بعد ماشفتها قمت اتلفت بغيت لولا الحياء اشقق ثيابى
انتبهت لى أطالعها وتغطت وخلت ظامرى فيه التهابى
الا واحسرتى لما تمشت تهزأ كتافها تبغى عذابى
وقفت أنظر لمشيتها وصدت وصابتني لاشك أخفى صوابى
بغيت أصبر لكن العين هلت دموع مثل هطال السحابى
(راحت حياتي)
راحت حياتي والسبب حب سيدي اللي سبا عقلي وخلاني محتار
يانور عيني ذا الهجر ما يفيدي ارحم محب فيك ما طاع الاشرار
حبك بقلبي كل يوم يزيدي وانا أحسبك مخلص وتاريك غدار
خليتني لك من أحساب العبيدي تامر وتنهاني وراضي بما صار
أظن قلبك من قوى الحديدي تقفى وتنساني على واهج النار
شفنى عقب فرقاك عايش وحيدي عقب الغلا عرضتنى درب الأخطار
ذي حالتي وافعل على ماتريدي وأنا على ما صابنى منك صبار
ياخوى أنا بنخاك حيثك عضيدي أرجوك ساعدني على اللى على جار
يا لله عسى وقت مضى لى يعيدي يومه يعاملني على كل ما ختار

(أنا الباحة)
انا الباحة مامسيت دمعى على الخدين احسب نجوم الليل لين اذن التالى
سبايب غزال حط فى ظامرى نارين واقفى يتمشى رايح مارحم حالي
بومبسم زاده حلا لمعة السنين الى من تبسم نورها بشعل اشعالى
وخشم يشادى خنجر قاطع الحدين وعين هدبها يوم سلهم لهاظلالى
وفستان هندى صبغته صايره لونين فى وسط زحمة يوم عرض من اقبالى
صدفنى صلاة العصر فى مفرق السوقين دخل العمارة يشترى كل شى غالى
شرى له مقاضى مايقرب ثمنها الفين وصوت له ياعم تحتاج حمالى
لحظنى بعين سهمها حطنى نصين وقال لى انا ارجوك رح مالك ومالى
قلت الله الله ياحبيبي على المسكين ترى ماحد غيرك بحبه شغل بالى

(البارحة ما مسيت)
البارحة مامسيت متعومس الرأى على الذى عند الفجر فارقوني
معاهم اللى من العرب غاية امناى اللى عفب فرقاه هاضت شجوني
أقبل يوادعني ومديت يمناي وزاد البلابي عقب ما وادعوني
أبكى ولكن ما نفع كثرة ابكاى خطير كثر الدمع يضعف عيوني
ويش حالتى والزين ماهوب وياى مالي أمل بعيش بس اعذروني
من عقب ذاك العقل شمتوا بى أعداى كلن يقول افلان صابه جنوني
عزالله ان محد ابتلى مثل بلواى ويش حالتى ان طال الفراق ونسونى
حتى هلى جاو يسئلونى اش دعواى قلت انظروا ما صابنى واتركونى
قالوا تعالج قلت أنا عارف ادواى لوجوا الأطباء كلهم ما شفونى
أداوى طفل شوفه يزيل بلواى اذا قدرتوا جيبته فاسعفوني

( قال الجنوبي يالله)
قال الجنوبي يا أله العالمين اسالك ساعدنى على جور الحبيب
الصاحب اللى بكلته فوق الجبين يمشي ويواسيها بمنديل عجيب
يمشى دلع والمشط في ايده اليمين وفي شنطته حامل ثلاث اغراش طيب
عذبتنى يا راعى الوجه الحسين من سبتك حالى عجز فيه الطبيب
يا صاحبى ما ترحم القلب الحزين اللى من اسبابك غدا جسمه صويب
من هجركم محتار واجر الونين واسهر طوال الليل ودموعى صبيب
الى متى يازين قلبك مايلين عذبتنى بالصد ربى لك حسيب
خليت حالى عرضة للشامتين الى متى ذا الجفا منكم يا حبيب
ياقايك الغزلان بيحت الكنيين خللك قبالى ياحبيبى لاتغيب

( يازين لا تعمل )

يازين لاتعمل معى تشويش أرجوك لجل الحب ريحنى
لجل الهوى والملح ويا العيش اذا بقلبك شيى صارحنى
وان عفتنى يازين مابيديش مسموح منى وانت مسامحنى
الهقوه انى عقبكم ماأعيش كيف أحيا والحب جارحنى
لو ان حصل لى غيركم حتى ايش ماجاء على بالى ولا بظنى
لو خيرونى قلت انا مابيش قلبى سمح محد بغاصبنى
لو فتشوا قلب العنى تفتيش ماحصلوا غيرك معذبنى
والله لو طوق على بالجيش انت المنى لو كنت عايفنى
لمن ذكرتك قام قلبى يطيش الله من حبك يخلصنى
اظن حبك لى صبغ ورنيش وهذا الذى يازين ذابحنى
( يارب صبرني)
يارب صبرنى على الأرض لاأطير وارحم عيون ماتنام اليالى
أشوف دنيا كل أبوها تعازير والمستريح اللى من الحب خالى
ياواهنى اللى بعد توه أصغير يجى ويروح وخاطره دوم سالى
صديقك اللى ترتجي منه الخير لعسرت راح وهملك ما يبالى
ان كان منتب دوم تدهن له السير والا تركك وقال ماله ومالى
بشوف لى واحد بجيبه دنانير أنا ولد ناس مبصر بحالى
ويش حالتك لامن نظرته مع الغير ترخص حياتك ما تساوى ريالى
لابد في يدك حيله ولالك تدابير أحسن تموت وكل شى للزوالى
تنسى بها ذيل الهوى والتفاكير وما يهين نفسه كود أخس الرجالى
ان كان منتب تشرب الماء من البير شربك هماج وشرب غيرك زلالى

( طير يا للي)
طير ياللي فوق اغصان العنب استمع صوتك وزلك ما يبين
اسالك بالله هل هذا طرب او بعد قلبك مثل قلبي حزين
ياحمام الورق لله العجب ما تساعدني على جور الحبيب
اشهد ان قلبي تولع وانتشب في محبة راعي الوجه الحسين
داعج العينيين عن عيني احتجب له اسبوع ونص ما اشوفه يبين
يابعد روحى تزايد بي العطب حالف منساك في طول السنيين
المودة في ضميري تلتهب والسبايب منك ياصافي الجبين
لوعرفت اللى جرى وانت السبب ماقدرت اتغيب عنى ساعتين
ذا علي امر من الله انكتب وما كتب في اللوح ملزوم يبين

( أنا الى قلت)
أنا الى قلت اه مانى بمليوم راعى الهوى لاصاح ماحد يلومه
طفل عيونه سود والساق مبروم ومجدلاته من وراه محزومه
والعنق اغزيل عاش بحزوم والخذ برق مرزمات غيومه
ومبيسم ناعم به الشاخ منظوم لشافه المشتاق ضاعت علومه
اقبل مع الشارع كما باشه الروم عليه فستان مفسر كمومه
يمشى دلع يا خوى والوسط محزوم ولمن حكى صوته عليه النعومه
من حين شفته حاربت عيني النوم عزى لمثلي ما تهنى بنومه
على سريري طايح اربع تعش يوم من شاف حالى قال ذا قرب يومه
اوقف ولا من طحت ما ودى اقوم مالى جدى الا الليل احسب نجومه
ياعاذلى في اللى على خذه ارقوم خل الجنوبى يا خبل لاتلومه

( هاذى مشاكل)
هاذى مشاكل عجيبه على من فارق حبيبه
نوم ليلي ماهنتي به منعدم حالى عدام
اسهر الليل الطويل وانتظر عطف الجميل
يمتكن قلبه يميل لو يرد لي السلام
ياحلو بالله تعال صبت قلبى ياغزال
قلنا كيف الوصال بالله يافرخ الحمام
صبتني بسهم العيون وزدت في قلبي الشجون
كل ماتطلب يهون انت قصدى والمرام
اطلب وقل ماتريد حبك بقلبى يزيد
لاتخليني وحيد الهجر هذا حرام
العيون وساع سود والجبين كنه ورود
ياحلو ذيك الخدود تشبه لبدر التمام
الخشم خنجر سنين يقطع العظم المتين
قذلته فوق الجبين كنها ريش النعام
ياحلو صبرى قضى في الحشا جمر الغضى
احترى منك الرضا وانتظر رد الكلام
يازين مالك وصيف فوق ذا دمك خفيف
داو قلبي يالطيف حالي طاويه السقام
وين اولي ياحبيب وانت لى احسن طبيب
الهوى ما فيه عيب يالله بحسن الختام
( سمعت انك تقول)
سمعت انك تقول مقدر على بعدك أنا اقدر أسيبك وأقدر بعد أنساك
ان طبت لىطبت لك وان بعتنى بعتك مهما بتعمل معى ابعمله وياك
قلبي بيدى تصاريفه ماهو بيدك أقول له انسه مثل ما قلته يهواك
فكرت ما فيه ناس بالحسن ضدك ياما لقينا عرب بالحسن تتحداك
أول أنا هنت لك نفسى وقدرتك فكرت أنك تراعيني مثل ما أرعاك
لكن اشوفك طغيت وغرتك نفسك طاوعت منهو بتزييف الكلام أغراك
مادام ذى حالتك وقف على حدك دور لغيرى أنا سامح معاد ابغاك
أرجو من الله تهنى بالذى عندك لاشك تذكر جميلى ان ربنا احياك
نفسي عزيزة خلاص خلك على صدك الله رزقنى بحبيب شوفته تسواك
ما فى أمل أذكرك أو أرجع أودك لوكان بتموت ماجيك ومعاى دواك


( يا حبيب الروح)

ياحبيب الروح كم لى يوم صابر وعدكم يامنيتى طول عليه
كل ماجاء يوم توعدنى لباكر راحت الايام مانحلت قضية
ان بغيت اوصلك قالوا لى مسافر اشهد انى منك قاسيت اللآذية
غيركم يازين مالى فيه خاطر ليتنى أعرف لتعذيبى خطية
ياذهب ياماس يادر ياجواهر يازاهر ياورد ريحاته زكية
لاذكرتك تسكب الدمع النواظر بس اجى وأروح والعله خفية
حيلتي الأشعار واكتب في الدفاتر هذا شغلى كلما تطرى عليه
ماتخاف الله وتشوف وتناظر حالة اللى راح من اجلك ضحية
شوف حالى من جفاكم كيف صاير منهو اللى غيركم يشفق عليه
كل ما تعمل معى يازين قادر والعفو عادتك يا جالى الثنية

( يا سيدي في الحال)
يا سيدي في الحال رد النظر وارحم محب حياته بين يديك
الى متى يازين وأنا أنتظر صبري قضى والأمر منك واليك
أظن ما فيه أحد مثلي صبر راحت حياتي وقلبي يرتجيك
الناس طلعت على سطح القمر وأنا معك ما قدرت أوصل اليك
معاد باقي على الا أنتحر وأموت لجلك حسبي الله عليك
الموت أحسن من حياة القهر مادامك انسان عايف من يبيك
تراني واصل على حد الخطر لاتبيع واحد بروحه مشتريك
ماني بداري متى أنا بنتصر واشفي فؤادي منك غصب عليك
في سنة الله يا سيد السمر يازين قلي متى الله بيهديك
ابغيك برضاك ما يفيد الجبر وعندك خبر اننى مجبور فيك

( يازين سامحنى الى قلت)
يازين سامحنى الى قلت مرخوص واذا بدالك حاجة مستعدين
بحر الشراكة يا حلو فيه ما غوص وثوب النفر مايمتكن يكسى اثنين
نوم الحزم من غير دوشق وبرنوص أخير من نومه سرير الشريكين
كل شى توضح لى ولا يمكن تلوص معقول أكذب بعد ما شفت بالعين
أختار أسكن في عريش من الخوص أحب من قصر أصحابه كثيرين
تقدر تقول أنه حصل منى نقوص أدخل بحجة وخلنا مستريحين
قلى وأبو سيفين فى البوك مرصوص أقوم بامرك لو تحملت بالدين
الرجل ما يامن وفى بيته لصوص وأنا معاد أمنك خلاص يا زين


( يا راعي التاكسى)
يا راعى التاكسى شلنى واكسب المعروف الحقنى باللى نهب قلبى وخلانى
الى رمتنى بعين كن فيها سيوف اقفت واناد معتى تجرى على اوجانى
مدرى من أهل الطرف والامن الهفوف والامن من اهل المبرز قرة اعيانى
شليت قلبى معك يابو حشى ملهوف واتركتنى ياحياة الروح وجعانى
ليتك تجمل معى ولاتردنى مكسوف وتشمت الناس عدوانك وعدوانى
يابو جديل بمنديل الدلع ملفوف اما الثنايا مثل لولو ومرجانى
يازين ليتك تجى فى بيتنا وتشوف حاله عليل على ملاماك ولهاني
((أه مــــــــن قــــلــــب))
أه مـــن قـلــب تـولــع بـغـالـي
صابـنـي يـاخـوي طـفــل صـغـيـر
عقبـهـم نــوم الـعــرب مـاطـرالـي
مـن هــوى الـخـلان جفـنـي سهـيـر
حـب منهـو فـي العـرب ســم حـالـي
دمعـتـي مــن فــوق خــدي تسـيـر
اشتـكـي فـرقـا حـسـيـن الـدلالــي
اشـتـكـي لـلــي بـحـالـي نـظـيـر
فــي حبـيـبـي شـامــة للجـمـالـي
شامـتـه شـامـه فــوق حــده تشـيـر
مبسـم وريــق خـلـي ريــق حـالـي
مبسمـه وريـقـه كـمـا مــاي الغـديـر
الحـشـى كـنـه مــن الــزاد خـالـي
كـيـف يــا خـلـي افـراقـك يصـيـر
دالـــه لـمـاجـو صـــار قـبـالـي
جيـتـك تـسـاوي لــي نــاس كثـيـر
صـاحـبـي لا مـاجـيـتـه عـنـالــي
يـوم صفـا لـي خـلـي خـيـره كثـيـر
ياولـيـف الــروح ألـطـف بـحـالـي
مــن هـواكـم شــوف كـنـي كسـيـر






رد مع اقتباس
 
 
قديم 02-22-2009, 11:32 PM   رقم المشاركة : 2
رماد آنثى
ღ نكهة مطر ღ










الحالة
رماد آنثى غير متواجد حالياً

 
رماد آنثى is on a distinguished road


 

افتراضي رد: النوادر من كلمات الاغاني لعيسى الاحسائي

عيسى الأحسائي من روائع الفن القديم وشعبيه جارفه

ولكن لا يغطي على حمد شنان حمد غير

تسلم آخوي على هذي النوادر

تقبل إطلالتي : رماد آنثى







رد مع اقتباس
 
 
قديم 02-23-2009, 11:35 PM   رقم المشاركة : 3
Abu.Saleh
متميز










الحالة
Abu.Saleh غير متواجد حالياً

 
Abu.Saleh is on a distinguished road


 

افتراضي رد: النوادر من كلمات الاغاني لعيسى الاحسائي

بسم الله الرحمن الرحيم


السلام عليكم ورحمة الله وبركاته

مشكوره يا رماد انثى وماقصرتي ويعطيك الف عافيه








رد مع اقتباس
 
 
قديم 03-16-2009, 08:25 PM   رقم المشاركة : 4
(الزهراوي)
عضو فعال










الحالة
(الزهراوي) غير متواجد حالياً

 
(الزهراوي) is on a distinguished road


 

افتراضي رد: النوادر من كلمات الاغاني لعيسى الاحسائي

يازين هالموضوع

اشكرك







رد مع اقتباس
 
 
قديم 03-16-2009, 11:14 PM   رقم المشاركة : 5
@ ترايستار @
Banned











الحالة
@ ترايستار @ غير متواجد حالياً

 
@ ترايستار @ is a splendid one to behold@ ترايستار @ is a splendid one to behold@ ترايستار @ is a splendid one to behold@ ترايستار @ is a splendid one to behold@ ترايستار @ is a splendid one to behold@ ترايستار @ is a splendid one to behold@ ترايستار @ is a splendid one to behold


 

افتراضي رد: النوادر من كلمات الاغاني لعيسى الاحسائي

كلماتك راائعة سيدي

تحمل في طياتها جمالا غير منتهي ..

لا ادري مااقول ..

فقد خجل قلمي من روعة وصفك ..

وليس بغريب عليك هذا الابداع ..

لا يسعني الا ان اشكرك على حروفك
لك اجل التحايا ..
رونق







رد مع اقتباس
 
 
قديم 03-16-2009, 11:25 PM   رقم المشاركة : 6
مشغول وشاغلني
عضو متقدم










الحالة
مشغول وشاغلني غير متواجد حالياً

 
مشغول وشاغلني is on a distinguished road


 

افتراضي رد: النوادر من كلمات الاغاني لعيسى الاحسائي

اووووووه وين صديقي عنك يموت موووت بشيء به عيسى

لكن حبيت اسألك الغالي هذي موجودة مسجلة ومنتشرة والالا.

تقبل مروري







رد مع اقتباس
 
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Hosted By alda3m.com


الساعة الآن 04:36 PM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
إن جميع المواضيع المنشورة في زلفاوي لاتعبر بالضرورة عن رأي إدارة منتديات زلفاوي وإنما تعبر عن رأي كاتبها فقط